واصل الإعلامي أحمد شوبير تهكمه على الاخبار المنتشره بخصوص الثنائي سيف الدين الجزيري والبرازيلي برونو سافيو بعد الانباء التي انتشرت بخصوص الثنائي طوال الفتره الماضيه .
وكان الزمالك قد تلقى خطاب من لجنه فض المنازعات في الفيفا يطلب فيه سرعه ارسال العقد الخاص بالجزيري لضمان حق الافريقي التونسي في رعايه اللاعب بعد شكوى الاخير للمقاولون بسبب عدم ارسال النسبه الخاصه بالرعايه.
وقال شوبير:”الزمالك وصله طلب من الفيفا بضروره ارسال صوره من عقده للفيفا قبل يوم ١٦ اكتوبر اللي جي ، ونفسي لما حاجه زي كده تحصل نهدى شويه ونبطل خناق”.
وواصل :”الافريقي تقدم بشكوى ضد المقاولون العرب عشان نسبه الرعايه اللي مخدهاش بعد بيعه للزمالك “.
وأكمل :”مصدر في اتحاد الكره سألته وقال ان مفيش خطأ قانوني او خطأ في العقد ، ولحد دلوقت هو ده الكلام ولحد ما يثبت العكس يبقى نقولهم انتوا بتهرجوا ، انا بقولكوا اصبروا لحد ما الحقيقه تبان “.
وأضاف :”زي قصه برونو سافيو اللي اتقال ضرب الحكم بالبوكس وضربه بالراس ، احنا متربصين ببعض ليه ؟ وده فاكر نفسه انتصر و ده فاكر نفسه كسب ؟ أمر عجيب جدا اللي احنا فيه !”.
وأتم :”ده في واحد قالي ده هبده روسيه وداه المستشفى ، وواحد تاني قال ده ضربه بالقلم جابه الارض ، واحلى حاجه ان الصوره موجوده ، واخرها ٣ ماتشات ايقاف في بوليفيا يعني”.
