كشف المستشار مرتضى منصور عن حقيقه دفع الزمالك لمبلغ مليون و 200 ألف دولار للتعاقد مع البنيني سامسون اكينيولا مهاجم فريق كاراكاس الڤنزويلي الذي تعاقد معه الزمالك لتدعيم الفريق ، كما كشف عن حقيقه الخطاب الموجه للزمالك من الفيفا فيما يخص سيف الدين الجزيري.
وكان أحمد شوبير قد صرح أن الزمالك قد تعاقد مع سامسون اكينيولا بمبلغ تخطى المليون و 200 ألف دولار ، ليكذب المستشار مرتضى منصور تلك التصريحات جمله وتفصيلاً .
وقال مرتضى :” هو احنا لما جبنا سامسون قولنا هو صغير ولا كبير اساسا ؟ في ايه يا شوشو ؟ وقالك كان بياخد ٥٠٠ دولار ودلوقت ملايين ؟ “.
وواصل :”هو حسام عبد المجيد الي عقده كان ب٢٠٠ جنيه هيبقى السنه الجايه ب٢٠٠ ؟ وزيزو زيه “.
وأكمل :”طب خد بقا المفاجأه ، ولا جنيه اتحول للولد والنادي بتاعه لان كان المفروض في كشف طبي و هو سافر منتخب بلده ، شوفت انا فضحتك وعريتك ازاي قدام مصر كلها ، كفايه كدب بقا يلا”.
وعن سيف الجزيري قال :”الافريقي ليه حق رعايه حوالي ٢٠ الف يورو والافريقي بعت ولجنه بيب يا لبيب مرضتش تبعت و العقد اللي اتعمل في عهد لجنه بيب بيب برضو “.
وأتم :”والناس اللي بتقول القيد هيوقف تاني عيب بقا ، انا قلبي وجعني ، هو انا كل يوم هرد على الكلاب الضاله في ايه بقا”.
