مرتضى منصور يحسم الجدل حول قانونيه تعاقد الزمالك مع صبحي .. ويؤكد : علاقتنا جيده مع الجميع

حسم المستشار مرتضى منصور رئيس مجلس إداره نادي الزمالك الجدل حول قانونيه موقف الزمالك من عوده الحارس محمد صبحي مره أخرى لصفوف الفارس الأبيض من جديد.

وكان الزمالك قد أعلن أمس الأول عن عوده حارسه المعار لنادي فاركو محمد صبحي لصفوف الفريق مره أخرى ، لتدعيم مركز حراسه المرمى بعد رحيل محمد أبو جبل.

وقال مرتضى :”بطمنكوا يا جماعه محمد صبحي عقده سليم واخر البند كان ٣١ /٨ والمفروض قبل نهايه الموسم بساعه كان يبعتوا تفعيل العقد و لكن ده لم يحدث “.

وواصل :”فاركو مبعتوش الفلوس كمان وكنت بتمنى ان القيد في فاركو يبقى مفتوح عشان نديهم لاعبين من عندنا ، احنا علاقتنا جيده مع كل الانديه الجيش وانبي وبيراميدز والمصري “.

وأتم :”بطمن الجمهور احنا عملنا احسن صفقات واحسن لعيبه هتبقى موجوده في النادي”.