فتح المستشار مرتضى منصور رئيس مجلس إداره نادي الزمالك النار على الإعلامي إبراهيم فايق و حسين لبيب رئيس اللجنه السابقه المكلفه باداره نادي الزمالك بسبب أزمه الجزيري ومحمود عبد الرحيم جنش.
وقال المستشار مرتضى منصور:” في موضوعين شاغلين الرأي العام الرياضي ، اول واحد فيهم هو سيف الجزيري ، والتاني هو موضوع جنش “.
وأضاف :”بيب بيب يا لبيب اللي بيلبس بنطلون احمر في اخضر في اصفر اللي قال ان جنش معندوش شرط جزائي ، انا بديلك فرصه اخيره لحد بكره عشان تطلع تعتذر عن اللي قولته وعملته النهارده”.
وواصل :”لو انا طلعتكوا كلكوا غلطانين يا فايق انت وشوبير وحسين لبيب معنديش ليكوا كلكوا غير ضرب الجزمه “.
وأكمل :”بكره بالمستندات هبعتها وتطلع وبكره هعمل مداخله ولو طلع كلامي صح هضربكوا كلكوا بالجزمه ، انا كان من مصلحتي ان اطلع اللجنه غلطانه ولكن انا عندي كيان عظيم اهم اسمه الزمالك”.
وأتم :”انت امبارح يا فايق طلعت محامي النجم الساحلي ، طب ما تطلع حد من الزمالك ! انتوا عيال كدابه وبتذيعوا أخبار كاذبه ، واحد بيقول هو كل يوم لازم يطلع يتكلم ، اه محدش غيري هيعرف يرد على الاشكال دي “.
