” اللعيب اللي هيغلط هيتقطع رقبته “..سيف زاهر يكشف عن مفاجأة في غياب إمام عاشور عن مباراه الزمالك و فلامبو غدا في دوري أبطال إفريقيا!

كشف الاعلامي سيف زاهر عن أسباب غياب نجم الزمالك امام عاشور عن قائمه الفريق لمواجهه فلامبو دو سونطر البوروندي في دوري أبطال إفريقيا.

وكان البرتغالي فيريرا قد أعلن عن قائمه الزمالك لمباراه فريق فلامبو دو سونطر البوروندي ، حيث شهدت القائمه غياب كلا من امام عاشور وشيكابالا لأسباب فنيه .

فضلاً عن غياب كلاً من محمود حمدي الونش و عبد الله جمعه بسبب الاصابه ، وأخيراً غياب سامسون اكينيولا لعدم قيده إفريقياً .

وقال زاهر :”امام عاشور كلمه غيابه لأسباب فنيه دي محيره الناس ، انا هقولكوا كلمه تريح الناس وتفهمهم السبب” . 

وواصل :”مع فيريرا في نادي الزمالك مفيش نجم ومفيش كبير ومفيش اسطى في الملعب ، الملتزم بس اللي بيبقى موجود ، المنضبط بس اللي بيبقى موجود ، الجاهز بس اللي بيبقى موجود”.

وأتم :”اللعيب الي هيغلط او هيخرج عن النص في الزمالك هيقطعوا رقبته “.