حسن يسري يتحدث عن القمه المرتقبه بين الزمالك والأهلي .. ويكشف حقيقه إعتزال أحمد الأحمر !!
![حسن يسري يتحدث عن القمه المرتقبه بين الزمالك والأهلي .. ويكشف حقيقه إعتزال أحمد الأحمر !! 1 حسن يسري يتحدث عن القمه المرتقبه بين الزمالك والأهلي .. ويكشف حقيقه إعتزال أحمد الأحمر !!](https://zamalek.news/wp-content/uploads/2022/10/images-707.jpeg)
تحدث نجم الزمالك السابق حسن يسري عن المواجهه المرتقبه بين الزمالك والأهلي غداً في نصف نهائي دوري ابطال افريقيا المقامه حاليا في تونس .
وتأهل الزمالك لملاقاة غريمه التقليدي الأهلي في نصف النهائي بعد الفوز على فريق شبيبه كنشاسا الكونغولي في دور الثمانيه .
وقال يسري :” البطوله العربيه لسه مأثره على الزمالك واللعيبه عاوزه تكسب بطوله افريقيا عشان تصالح الجماهير ، الاهلي على الناحيه التانيه عاوز يكسب افريقيا عشان عارف ان الزمالك في كبوه” .
وواصل :”الاهلي كان عامل معسكر كويس قبل السوبر المصري وماشي بطريقه كويسه وفالاخر الزمالك كسب بأداء كويس وبنتيجه مريحه “.
وأكمل :”الحاله البدنيه والاجهاد نتيجه طبيعيه نتيجه تلاحم البطولات ، الزمالك لعب بطولتين صعبين في وقت قليل و طبيعي اللعيب لما يبقى مجهد التركيز هيقل “.
وأضاف :”رحيل سيف الدرع ويحيى الدرع مؤثر ولكن الزمالك بيكسب بقاله ٢٠ و ٣٠ سنه ولعيبه كبيره جت واعتزلت ومشيت ولسه بنكسب ، التدعيمات في الفتره الاخيره مكنتش بالشكل الأمثل وده أثر على الفريق والدكه” .
وشدد :”كنت شايف ان الزمالك لازم يدعم ب ٢ لعيبه محترفين يدعموا الفريق ، ولكن دلوقت انا شايف رمضان والاحمر و قداح هما اللي بيلعبوا وده أدى انهم بقوا مستهلكين واجهدوا بشكل كبير “.
وأتم :”معتقدش ان احمد الاحمر هيعتزل قريب ، خصوصاً ان دوره خارج الملعب اكبر من دوره داخل الملعب كمان لانه بيلم الفريق و بيجمعهم حواليه” .