كشف الاعلامي سيف زاهر حقيقه تمرد قائد الزمالك محمود عبد الرازق شيكابالا وانقطاعه عن التدريبات ، وذلك بعد غياب اللاعب عن التدريب لعده أيام .
وانتشرت العديد من الاشاعات خلال الأيام الماضيه حول تمرد شيكابالا وانقطاعه عن التدريب بسبب وجود مشاكل بين الاعب وفيريرا ووجود مستحقات متأخره لدى الزمالك .
وقال زاهر :” قريت اخبار كتير بتقول تمرد شيكابالا والحق شيكابالا تمرد ، وتيجي تسأل تلاقي واحد بيقولك اصل شيكابالا عاوز يزود عقده ، وواحد تاني يقولك اصل لا ده ليه فلوس عند النادي ، وواحد تاني يقولك لا ده اتخانق مع فيريرا” .
وواصل :”انا بقولك الموضوع كله شيكابالا عنده برد ، هتقولي يا عم بطل هزار هقولك مش بهزر هو عنده برد والراجل عمل مسحه واتطمن ان مفيش كورونا”.
وأكمل :”في ناس بتحب تعمل موضوع اللي هو ازاي مفيش موضوع ، زي بوكسات زيزو وشيكابالا واتعملت افيه بينهم واحتفال ، يا جماعه اتاكدوا من الاخبار قبل ما تتقال وتنتشر “.
وأتم :”يحسب لمرتضى منصور ان مفيش لعيب عنده جنيه عند الزمالك ، ومفيش لعيب بيعترض ولا في لعيب بينزل تويته ، قافل على الفريق وطول ما انت قافل على نفسك هتنجح وهيبقى في نجاحات”.
