“قاللي جمله عمري ما هنساها”.. سيف زاهر يكشف مفاجأت في حواره مع امام عاشور بعد تصريحاته حول استبعاده من مباراه فلامبو !
كشف الاعلامي سيف زاهر عن كواليس الحوار الذي دار بينه وبين نجم نادي الزمالك امام عاشور بعد أزمتهم بالأمس عقب تصريحات سيف زاهر بشأن استبعاد عاشور من مباراه فلامبو البوروندي.
وكان الاعلامي سيف زاهر قد لمح بالأمس أن اسباب استبعاد عاشور من مباراه فلامبو جائت بسبب عدم التزام اللاعب خلال الفتره الماضيه ، ليرد عليه عاشور عبر حسابه الشخصي على موقع التواصل الاجتماعي فيس بوك ساخراً من حديثه.
وقال زاهر :”انا النهارده قابلت بالصدفه امام عاشور واتكلمت معاه وانا هنقلكوا اللي دار بيننا “.
وواصل :”امام قالي الكلام اللي انت قولته امبارح جيبته منين يا كابتن سيف ، انا قولتله على فكره انا مقولتش كده ، امام قالي الكلام ده مش مظبوط انا رجعت من المنتخب وعندي شد ولعبت اخر ماتش وانا عندي شد “.
وأكمل :”فيريرا قرر انه يريحني عن المباراه ، قولتله انت دلوقت مصاب قاللي لا مش مصاب بس هو قلق ابقى مش جاهز ١٠٠٪ استبعدني “.
وشدد :”امام قاللي ان علاقته بفيريرا على افضل ما يكون ، وانا عاجبني جدا ان سيستم الزمالك اللي بيغلط بيتعاقب” .
وأضاف :”امام قالي جمله عمري ما هنساها ، انا زمن الغلط عندي خلص ، لا هعمل مشكله في الزمالك ولا فالمنتخب” .
وأتم :”سألته بهزار انت بتخلص التمرين وتعمل ايه قاللي انا وقتي كله في التمرين ولما بخلص بقعد مع والدتي “.
