” كلاتنبيرج رجله غرزت” .. شوبير يفتح النار على اتحاد الكره بسبب أزمات الحكام !!

فتح الإعلامي أحمد شوبير النار على اتحاد الكره بسبب أزمه مستحقات وملابس الحكام الخاصه بالموسم المقبل.

وقال شوبير :” كلاتنبيرج رجله غرزت وابتدى يتكلم في الفلوس والحكام ليهم فلوس طب نكلم الاداره الماليه ومفيش برضو “. 

وأكمل :”حتى القعده اللي كانت مع جمال علام اتلغت او اتأجلت منعرفش ليه ، الازمات في قصه الحكام من قديم الأزل ، احنا حلينا شفره الهيروغليفيه ولسه مش عارفين نحل مشاكل الحكام “.

وواصل :”انت الزمت الانديه بدفع المستحقات وانت كمان دورك انك تدي الحكام فلوسها الحكايه سهله وبسيطه “.

وأتم :”ازمه الملابس برضو الشركه اللي اتعاقد معاها اتحاد الكوره هنخسر ايه لو بعتنا ٢٠٠٠ طقم زياده للحكام ، ولا كل حكم هينزل بماركه مختلفه وانت وشطارتك يا ولا ؟ انت نسيت ملابس الحكام ولا هي متأخره شويه ولا ايه ؟” .