كشف الإعلامي أحمد شوبير عن كواليس جديده في أزمه كهربا مع الزمالك والأهلي خلال الفتره الماضيه ، مؤكداً أن كهربا قد لجأ للقضاء المحلي من أجل الطعن على تزوير عقده مع الزمالك واذا تم قبوله ستنقلب القضيه تماماً.
وقال شوبير في تصريحات تلفزيونيه عبر برنامج ملعب أون تايم:”ناس كتير بتسألني على كهربا ، الأهلي سجل كهربا بس المشكله مشكله فلوس ، الأهلي أعلن عن قيمه عقد الرعايه وهي الأعلى في تاريخ مصر بقيمه حوالي مليار ونص جنيه مع حقوق البث”.
وتابع :”الأهلي تمسك بكهربا وسجل ولكن ايه اللي هيحصل ؟ الكلام رايح جاي بين كهربا وبين غرامه النادي ، اصبر ولما تيجي لينا فلوس هنسدد مين هنسدد ؟ انت يعني يا كهربا الي هتسدد” .
وواصل :”كهربا متبقي ليه من عقده القديم 10 مليون جنيه ، و هياخد مبلغ محترم من العقد الجديد يسدد بيه “.
وشدد :”كل تأخير فيه زياده على النادي الأهلي اللي هما ال5% و الدولار بيغلى كل يوم الغرامه كانت حوالي ٣٦ مليون جنيه ، بعدين بقت ٤٠ مليون ، ودلوقت بقت أكتر من ٥٠ مليون ، هل الأهلي هيفضل بيتأخر ؟ هل الرعايه هتدفع كلها لكهربا ؟ هل الأهلي هيرحل في يناير” .
وأضاف :”هل من الممكن يكون في صيغه تفاهم بين الزمالك و كهربا وعلى موجبها يتم الدفع ؟” .
وأكمل :”هقول معلومه هتبقى مفاجأه ، كهربا لجأ للقضاء المحلي بتهمه تزوير العقد وبيقول ان العقد اللي اتسجل هو العقد القديم ومفيش عقد جديد”.
وأتم:” وفي عنده اقتراح تاني بالتفاوض مع الزمالك هو كهربا شخصياً يتفاوض ويدفع لأنه زهق وعاوز يلعب ، القصه مطوله ومش هتتحل دلوقت” .
