“محترف في الأزمات”.. سيف زاهر يتغنى بفيريرا على الرغم من خساره السوبر ويكشف مده غياب نجم الفريق !
تغنى الإعلامي سيف زاهر بالبرتغالي جيسوالدو فيريرا المدير الفني لفريق الكره الأول بنادي الزمالك على الرغم من خساره بطوله السوبر أمام الأهلي يوم الجمعه الماضي .
وقال زاهر في تصريحات تلفزيونيه عبر برنامج ملعب أون تايم:”هل خساره الزمالك للسوبر تؤثر عليه كثيراً ؟ اقولكوا كان زمان ، الفرق الكبيره الفوز او الهزيمه مبتاخدش معاهم غير ساعات”.
وواصل :”اللعيبه النهارده الساعه ٨ نزلت التمرين ومركزين على ماتش يوم الأربعاء ومفيش اي مشكله عندهم” .
وأكمل :”فيريرا هو اللي عارف ازاي يشغل المكنه بتاعه لعيبه الزمالك ، هو اللي عارف ازاي يفوق اللعيبه تاني ، هيقولهم انت بطل الدوري وبطل الكاس ولازم تفوق عشان تكمل” .
وتابع :”فيريرا محترف في انه ازاي يطلع من الأزمات ويطلع من المطبات ، الزمالك عنده كل المتطلبات للنجاح” .
وشدد :”الفرق الكبيره مبتقفش على لاعب ده صحيح ولكن ممكن تغييره مفاجأه تؤثر على الفريق زي تغييره فتوح في مباراه السوبر لغبطت حاجات كتير”.
وعن إصابه نجم فتوح قال :”فتوح هيغيب من ٣ لـ٤ أسابيع على ما يرجع تاني للملاعب ، فتوح وامام عاشور من احسن اللعيبه في مصر ، مباراه السوبر هي ٩٠ دقيقه واتقفلت مش زي زمان ان خساره مباراه تطيح بالجهاز الفني وغيره ده كان زمان” .
