كشف محمود شبانه لاعب الزمالك المعار لنادي سموحه عن كواليس رحيله عن الزمالك ، موضحاً موقفه من العوده للزمالك الموسم المقبل.
وقال شبانه :”الكابتن امير كان بلغني ان هرجع من الاعاره وهكمل في الزمالك ولكن اجتمعت بالاداره وشوفت ان الاعاره افيد ليا عشان عارف اني مش هشارك كتير”.
وواصل :”اتكلمت مع كابتن امير مرتضى وقولتله انا هقعد ويبقى ليا دور او هطلع اعاره واشارك عشان ارجع للزمالك ويبقى ليا مكان اساسي في الفريق” .
وأكمل :”انا شوفت اني اطلع العب احسن لاني شوفت ان الامور هتبقى صعبه مع مستر فيريرا خصوصا ان المجموعه دي خدت دوري وكاس وعرفت ان فرصتي هتكون ضعيفه فقولت اطلع العب برا “.
وأضاف :”كان في مفاوضات مع الاتحاد السكندري بعد نهايه الدوري من الحاج محمد مصيلحي ولكن مكنتش جديه فلقيت اني اطلع لسموحه احسن” .
وتابع :”في تنظيم كبير جدا في الزمالك بسبب مستر فيريرا ومجلس الإدارة ، الزمالك حاطط هدفه على افريقيا والحفاظ على الدوري ، الدوري قوي السنه القادمه” .
وأتم :”انا بجدد مع النادي بكل سنين الاعاره و قبل ما اطلع اعاره لسموحه جددت سنه للزمالك ومتبقي في عقدي ٣ سنين مع الفريق ، بشكر جمهور الزمالك انه بيدعمني وفي ضهري” .
