كشف الاعلامي سيف زاهر عن كواليس ملف أزمه صلاح محسن مع الأهلي خلال الفتره الماضيه ، موضحاً تفاصيل جلسه اللاعب مع المدير الفني الجديد للفريق مارسيل كولر.
وكان الأهلي قد قرر وضع صلاح محسن على قائمه الانتظار حتى يناير المقبل ، وذلك بعد رفض اللاعب لكل العروض للرحيل سواء في صفقات تبادليه او على سبيل الإعاره او البيع النهائي.
وقال زاهر :”صلاح محسن لجنه التخطيط في النادي الأهلي خدت قرار ان صلاح خد فرص كتير ومينفعش يكمل والموضوع خلصان من قبل كولر.”
وواصل :”الناس قالت ان في خناقه حصلت بين صلاح محسن و حسام غالي وحصل خلاف بينهم ، الحقيقه ان محصلش اشتباك ، بالفعل حسام غالي اللي بلغ صلاح محسن انه راحل ، والراجل كان لسه خارج من اجتماع الاداره وصلاح محسن افتكر ده وجهه نظر حسام غالي مش قرار الاداره ومن هنا حصلت المشكله “.
وأكمل :”صلاح محسن قابل كولر و قاله انا عاوز اكمل معاك في الاهلي و كولر قاله بالنص انا معرفش انت مين ولا شوفتك قبل كده ولا اتفرجتلك على حاجه ومتبلغ انك مش معايا” .
وأتم :”صلاح محسن قعد مع مسئولي نادي سيراميكا وبيقترب بشده من النادي وحصل حديث بينه وبين احمد سامي والأمور على ما يرام والصفقه فطريقها للاتمام” .
