كشف الإعلامي سيف زاهر عن كواليس جديده في أزمه كهربا مع الأهلي ، مؤكداً ان الأهلي سيرفض طلب اللاعب بزياده الأموال التي سيدفعوها له من أجل مساعدته في دفع الغرامه للزمالك.
وكان الزمالك قد حصل على حكم ضد لاعبه السابق محمود كهربا بعد هروبه من الفريق قبل انتهاء تعاقده ، حيث حصل الزمالك على غرامه من اللاعب قدرها أثنين ونصف مليون دولار بالإضافه للفوائد ، فضلاً عن إيقافه لحين دفع الغرامه.
وقال زاهر في تصريحات تلفزيونيه عبر برنامج ملعب أون تايم:”موضوع كهربا خلاص خلص ، النادي الاهلي جدد لكهربا سنه و هيدهاله كاش”.
وواصل :”الفلوس اللي الأهلي هيديها لكهربا مش هتتعدى ال٥٠٪ من قيمه الغرامه ، كهربا لسه مخدش قرار انه هيكمل باقي الفلوس من معاه ، وكهربا قال للمقربين منه انه مش معاه باقي الفلوس” .
وتابع :”كهربا في انتظار عوده محمود الخطيب لمفاتحته انه يدفع زياده في المبلغ ، طيب هل المبلغ ممكن يزيد ؟ مليون فالميه لا ، الاهلي زود سنه وميقدروش يدوله اكتر من كده “.
وأتم :”الغرامه وصلت على كهربا اكتر من ٥٠ مليون جنيه انا معنديش معلومه مؤكده المبلغ وصل كام بالظبط” .
