“الزمالك هيعرف ياخد حقه” .. سيف زاهر يكشف كواليس حديثه الناري مع أمير مرتضى منصور بعد أزمه نجم الفريق الأخيره!!
كشف الإعلامي سيف زاهر عن كواليس حديثه مع أمير مرتضى منصور المشرف العام على الكره بنادي الزمالك بعد التعثر أمام إنبي اليوم ، مؤكداً أن الزمالك سيحافظ على حقوقه مع لاعبيه ولكن داخل الغرف المغلقه .
وكانت أزمه قد تفجرت بالأمس بعد إستبعاد إمام عاشور عن مباراه إنبي في ظل وجود تقارير صحفيه تشير لعدم إنضباط اللاعب في الفتره الأخيره مع ظهوره “بنيولوك” جديد أثار به الجدل.
وقال زاهر في تصريحات تلفزيونيه عبر برنامج ملعب أون تايم:”انا إتكلمت مع أمير مرتضى قبل الهواء ، باخد منه الحاله العامه للفريق لانك مع امير مرتضى مش هتعرف تاخد منه معلومات ، هو قالي عادي جدا التعادل النهارده وفيريرا لسه بيدخل الصفقات ولسه الانسجام “.
وواصل :”أمير قالي انتهى زمن هد المعبد في الزمالك مع اول خساره ، يعني مش هخسر الجهاز هيمشي وهنغير خططنا ، احنا كنا وحشين النهارده لكن ممكن نكسب ، احنا مكملين زي ما احنا مفيش حاجه هتتغير ، احنا موفرين لفيريرا الحمايه ومفيش حاجه هتتغير” .
وتابع :”أمير قالي جمله انا سمعتها قبل كده من المستشار مرتضى تبقى مؤكده ، اي لعيب مش جدي او مبيتمرنش بجد او دماغه جابته ومبيتمرنش وكده تعرف ان الزمالك هياخد حقه ، قولتله طيب العقوبات دي هتتعلن قالي هو الانديه التانيه بتعلن قولتله لا قالي واحنا مش هنعلن” .
وأكمل :”أمير قالي ان اللاعب يغلط امشيه او اخليه ميلعبش ده مش موجود ومش عندنا ، الزمالك تعامله مع الازمات بقت حاجه رائعه وبقا تعامل جيد عكس الأول” .
وشدد :”زمان كان ممكن الخساره تمشي مدير فني ، او تهد فريق دلوقت لا ، انا احب المكسب يعدي بهدوء و الهزيمه تعدي بهدوء” .
وأتم :”الزمالك محتاج انه يعدي افراحه ، اللعيبه محتاجه تنسى انهم ابطال الدوري والكاس ، الزمالك يمتلك القماشه اللي تخليه في حته تانيه ، الاداره بتتعامل مع المكسب والخساره بطريقه جيده جدا ، والفريق اللي بياخد الدوري الممتاز ممكن يخسر ويتعادل عادي مش نهايه المطاف” .
