وجه الإعلامي سيف زاهر نقداً لاذعاً لنجم نادي بيراميدز الحالي والأهلي السابق عبد الله السعيد بعد تصريحاته اليوم لصحيفه “الاثليتك” البريطانيه .
وكان الأهلي قد حصل على حكم بتغريم عبد الله السعيد مبلغ مليوني دولار بعد أزمته مع اللاعب بخصوص تعاقد بيرامدز معه من اهلي جده ، كما حصل على حكم بالحجز على اللاعب لعدم تسديد قيمه الغرامه .
ليخرج عبد الله السعيد عن صمته بتصريحات ناريه أبرزها أن توقيعه للزمالك قد كان بمثابه القتل لمسئولي الأهلي وأنهم يظنون أن من حقهم التحكم في مصائر اللاعبين .
وقال زاهر في تصريحات تلفزيونيه عبر برنامج ملعب أون تايم:”عبد الله السعيد من النوع اللي بيحب يشتغل تحت ضغوط ، يعني حصلت مشكله بينه وبين الاهلي و القصه انتهت بينه وبين جمهور الاهلي ، حصلت مشكله ومشي والقصه اتقفلت خلاص” .
وتابع :”حتى لما بيروح يلعب في المنتخب الجمهور اللي بيشجع المنتخب بيشجع عبد الله وانت روحت لعبت في بيراميدز وانتهت القصه “.
وأكمل :”في بينكوا وبين بعض قضايا في المحاكم و في بينكوا ورق واللي ليه حق هياخده” .
وأتم :”لكن الحقيقه تصريحات عبد الله السعيد مش فاهمها ، ليه تفتح تاني الموضوع بعد ما خلص و ليه تتكلم وفي ماتش للمنتخب يوم الجمعه ، حتى شخصيه عبد الله السعيد مش كده ومش من النوع اللي بيتكلم ، دي حاجه تؤخذ على عبد الله السعيد” .
