علق المستشار مرتضى منصور رئيس الزمالك، على عدم منحه جائزة أفضل رئيس نادي في مصر، رغم حصد الفارس الأبيض لعدد من الجوائز خلال حفل أوسكار جريدة المساء.
وقال مرتضى في فيديو تم بثه عبر قناة الزمالك: “الزمالك مش هيتهد، فريق القدم وصل دور نصف النهائي في كأس مصر، والدوري ماتش ونتصدر، واليد ماشين كويس والطايره، مفيش غير ازمه لاعب السله اللي هرب وهندعم ان شاء الله”.
إقرأ ايضا.. ياسر عبد الرؤوف يحسم الجدل بشأن هدف الزمالك الملغي.. ويحمل المسئوليه لكلاتنبرج
واضاف:”بقول لممدوح عباس وعبدالله جورج والعتال بتضيعوا وقتكم، احنا لنا مستحقات عند المتحدة حوالي42 مليون جنيه والاخ سيف لاعاوز يجيبهم ولابيرد علينا وبقول للدوله عندنا لعيبه بتقبض بالدولار ومدربين”.
وشدد مرتضى:” انت لاعاوز تديني فلوسي او ترفع الحجز، في حكم قضائي من2018 بعدم جواز الحجز على اموال عامه والزمالك ملك الدوله، السبب التاني القانون بيقول لما يكون لك فلوس عند مدين يكون مفلس، الزمالك عنده ارض 6 اكتوبر بمليارات هل ده ميضمنش حقك اللي مش لك؟ ولا النادي النهري، ومحلات سور الزمالك والمحكمة رفعت الحجز علشان. مفيش خطر على امواله اللي مش له”.
وتابع: “منتظرين الحكم يوم21 ديسمبر في قضية الحجز على الارصدة، ولحين موعد الجلسه، ما مصير هذا النادي؟، محدش بيدخل ولايقوله ستوب”.
واردف مرتضى:” الزمالك حصل على جوائز من اوسكار المساء، وكل ده بيحصل وفي قضايا من عبدالله جورج وبالليل عباس واللجان”.
واختتم:”الزمالك اخد جائزة افضل نادي،وفيريرا افضل مدرب وامير مرتضى احسن مشرف على الكرة،وزيزو وعواد وحسام عبد المجيد افضل لاعبين،و كل الجوائز دي وخافوا يعطوني احسن رئيس نادي علشان ميزعلوش حد”.
