كشف الإعلامي سيف زاهر عن كواليس الحديث الذي دار بينه وبين البرتغالي روي فيتوريا المدير الفني للمنتخب الوطني الأول بشأن اختيارات قائمه المنتخب للمعسكر القادم.
وقال زاهر في تصريحات تلفزيونيه لبرنامج ملعب أون تايم:”قابلت فيتوريا شخصياً وكلمته في حاجات كتير زي هناخد امم افريقيا ، طب هنوصل كاس العالم طب محمد صلاح والدنيا والليله ، لقيته بصلي وضحك ، طب يعم رد عليا قول اي حاجه “.
وواصل :”قالي كل ده ملوش علاقه بالموضوع بتاعنا ، قولتله طيب احنا عندنا كوره حلوه في مصر قالي جدا”.
وأكمل :”قالي المهم نعرف احنا بنجمع فرقه ليه وعشان عاوزين ايه ، هو احنا هنجمع فرقه عشان نلعب ونكسب وخلاص ، لا احنا بنبني جيل جديد و اهم حاجه في الجيل ده المنتالتي بتاعته تبقى عقليه انتصاريه “.
وتابع :”قالي انا درست الناس اللي موجوده من اول برادلي لحد كيروش و الناس دي كلها غيرت تدريجي مينفعش ابني جيل جديد على طول كده” .
وأردف :”سألته على الاختيارات اخترت مثلا فولان ليه قالي انا شايفه لعيب كويس قولتله بس انا وجهه نظري كذا قالي بس انا وجهه نظري مدير فني ودي الاهم ودي مشكلتكوا كاعلام” .
وأتم :”سألته بقا اهم واحلى سؤال ، انت طريقه لعبك بتبنيها على محمد صلاح ، قالي هو لعيب كبير بس لو محمد صلاح اتصاب هنعمل ايه ؟ قالي يعني هل ده كلام عقلاني اني ابني خطتي على لعيب واحد ؟ محمد صلاح لعيب كبير لكن لازم ابني الخطه على ١١ لعيب مش لعيب واحد” .
