علق الإعلامي أحمد شوبير على تفاصيل مشاجرة “بالمطاوي” بين فريقي العاشر من رمضان و شباب خورشيد مواليد 2003 التابعين لمنطقة الإسكندرية.
و قررت منطقة الإسكندرية لكرة القدم شطب الفريقين و عدم ممارسة كرة القدم مرة أخرى ، بعد الأحداث المأسوية التي حدثت بين الفريقين.
و قال أحمد شوبير في تصريحات إذاعية عبر برنامجه على راديو أون سبورت إف إم : انا ضد هذا الكلام و ضد قرار الشطب ، لإن لازم يبقى فيه تحقيق و تحويل للنيابة .
و تابع : لازم يتعمل تحقيق كبير ، لإن فيه مطاوي إتفتحت و دي كارثة ، و بعدين تم شطب الفرقتين ، طب ما اللاعيب هايروح نادي تاني.
و واصل : فين العقوبة على اللاعب اللي معاه مطوة ، فين العقوبة اللي هاتتوقع على اللي كانوا ماسكين مطاوي ، شطب الفرقتين مش هايعمل حاجة.
و أتم تصريحاته قائلاً : لازم الأصول و الصح اللي يتعمل ، ده مراقب المباراة أكد إن كان فيه مطاوي مع اللاعبين و أسلحة بيضاء ، لازم يتعمل تحقيق و يتم تحويلهم للنيابة.
https://www.youtube.com/watch?v=VYpjtsFCEkw
