رد المستشار مرتضى منصور رئيس نادي الزمالك على البيان الصادر من ممدوح عباس رئيس الفارس الأبيض الاسبق بشأن ازمة الحجز علي ارصدة النادي.
وقال مرتضى منصور في فيديو تم بثه عبر قناة الزمالك: “طبعا عارفين ان ممدوح عباس حاجز على النادي ومني انا هديه للاعضاء جهاز لمشاهدة كاس العالم”.
واضاف:” من شهرين بقول ان عباس اخد مستحقاته وبعرض ازاي استولى على اراض الدوله وشركات ادويه بتقدم ادويه ادت لموت طفلتين”.
وشدد مرتضى: “ممدوح عباس عمل بيان عبيط اوي بيقول ان بيتحداني ان في حسابات تانيه للزمالك وهو الحجز على حساب واحد فيه 40 مليون جنيه وعندنا اموال اخرى بنصرف منها، البينه على من ادعى ومن ادعى حاجه يثبتها هو قال في حسابات تانيه فيها اموال اثبت ذلك”.
وتابع:” بيقول ان فاشل دليل فشلي ان اخدت بطولات وهو لم يحصل على بطولات في عهده”.
واردف:” كنت طالع في قناة الزمالك اليوم لكن أجلت الظهور، لحين مخاطبة جميع البنوك بمعرفة ارصدة الزمالك،و لو طلع في ملايين في حسابات تانيه غير حساب بنك مصر المحجوز عليه هطلع اعتذرلك ياممدوح عباس وهسيب النادي والمحاماة واقعد في بيتي”.
واكمل مرتضى:” لو طلعت انت كذاب ومفيش ولا جنيه في اي بنك اختار اي جزمه اضربك بها، علشان انت قليل الادب وكداب، انا هطلع يوم الخميس لحد ما اثبت كدبه”.
واستطرد: “وفي نفس وقت بيان عباس الخطيب اصدر بيان ضد قناة الزمالك، انا كنت ساكت، لكن هارد عليك يوم الخميس علشان اطلع جوابات البنوك وان عباس خرب النادي، اناقبلت التحدي ياممدوح عباس لوطلعت كداب بالقديمه انت ومين حاميك وبيساندك”.
واشار مرتضى:” واحد عامل موقع بيقارن بين مرتضى وحسين لبيب وبيقول شتان الفارق بينهما، وبيقول انه مكنش بيطلع يجعجع ويقول مفيش فلوس، رغم ان حسين كان كاتب على القناة بيلم تبرعات”.
وزاد:” بعتذر للناس على عدم الظهور، واستناني ياخطيب انت وحسين لبيب اللي اخد405 مليون جنيه وقرض ب70 مليون واجي النادي ملقيش فيه حاجه وخرب النادي”.
واكد مرتضى: “الزمالك غني وماخدتش جنيه من الشركة الراعية، اعطى للاهلي مليار وعاوز يديني 80 مليون انا الزمالك لووافقت على كده اكون بهين النادي واضيع امواله، وكلهم متفقين مع بعض فلوس كهربا مش هندفعه”.
واختتم:” االقادم احسن وانابحب الحروب لي في الشهر7 معارك ولو6 بكون مضايق، واقسم بالله هكومهم كلهم، الدكتور مصطفى محمود قالي لامعارك دون اوحال، وانا في معارك الان كلها اوحال متحمل علشان جماهير عظيمة واقفه ورايا”.
