دافع الاعلامي سيف زاهر عن نجم نادي بيراميدز والنادي الأهلي السابق أحمد فتحي بعد إنتشار اشاعات تفيد برغبته في العوده للأهلي مره أخرى .
وكانت تقارير صحفيه قد أشارت لوجود رغبه لدى فتحي في العوده وانهاء مسيرته الكرويه رفقه الاهلي ، وذلك بعد ابتعاده عن المشاركه رفقه بيراميدز وخروجه من حسابات تاكيس جونياس.
وقال زاهر في تصريحات تلفزيونيه عبر برنامج ملعب أون تايم:”احمد فتحي كان صرح لبعض المواقع ان انا عاوز ارجع للنادي الأهلي ، يا جماعه مين قال اني عاوز ارجع الأهلي وكلام من هذا القبيل “.
وواصل :”لكن محدش سأل هل فعلاً احمد فتحي قال الكلام ده ولا لا ، الحقيقه ان كل اللعيبه مظلومين في قصه التصريحات دي سواء فتحي او رمضان او اكرامي او عبد الله السعيد “.
وأكمل :”يعني يطلع سيف زاهر يقول فتحي عاوز يرجع و بعدين الخطيب رفض يرجع وكلام كتير لكن محدش بيسأل مين اللي بيطلع القصه دي ، الناس مشيت بكل احترام والقصه اتقفلت بنفتح الموضوع تاني ليه ؟ “.
وأتم :”كل شويه بيتم اللعب واستخدام اسامي الناس دي وده ليس من العدل بالنسبه ليهم” .
