“مش متابع متتكلمش”.. حازم أمام يفتح النار على منتقدي إختيارات فيتوريا لمعسكر المنتخب !!
فتح حازم إمام عضو مجلس إدارة الاتحاد المصري لكرة القدم النار على منتقدي فيتوريا المدير الفني للمنتخب الوطني الأول بسبب اختياراته لمعسكر شهر نوفمبر الجاري والذي سيواجه في منتخبنا الوطني المنتخب البلچيكي ودياً.
وقال إمام في تصريحات تلفزيونيه عبر برنامج ملعب أون تايم:”نتمنى الناس تصبر على اختيارات فيتوريا رغم ان العالم كله بينتقد المدرب عشان القايمه زي ما شوفنا انتقادات البرازليين لتيتي عشان مختارش فيرمينو” .
وواصل :”في ناس بتنتقد لمجرد الانتقاد زي ما يقولك ازاي مياخدش لعيبه من بيراميدز وفيوتشر رغم ان الفريقين عندهم ماتشات في الكونفدراليه والراجل قال بعد الماتشين هختار منهم عادي” .
وأكمل :”الناس بتنتقد عبد الله جمعه راح ليه ، طب ما مصر كلها مفيهاش باكات شمال أساساً ، الناس تقولك مخدش شكري ليه بتاع سيراميكا ما الراجل مصاب يا فندم انت مش متابع دي مش مشكلتي ، دي وجهه نظري انا مش حديث شخصي مع فيتوريا ومعرفش هو بيختار على اساس ايه ، في النهايه هو اللي هيتحاسب مش احنا فهو اللي يختار ده حقه”.
وتابع :”هو انا لو اتدخلت في اختياراته يبقى انا جايبه ليه ما ادرب انا ، لكن انا جايب راجل من بيئه مختلفه فهسيبه يشتغل بدماغه بقا “.
وشدد :”اول ما فيتوريا جه مكنش عنده فكره عن اللاعبين فكان عندنا فرصه مع منتخبات سهله عشان الراجل يعرف اللاعبين ، بعدين قولتله احنا لازم نلاعب منتخب كبير و عندنا كذا عرض كويسين واستقرينا على بلجيكا”.
وأردف:” الوضع مع فيتوريا هيبقى مختلف واعتقد هنلعب الكوره الي احنا عاوزنها ، هو كورته لقدام ومعندوش حته نقفل على طول ، هو عاوز يلعب كوره هجوميه ، الماتشات الي زي دي هدفها نتعلم منها و نستفيد منها ، اللاعبين نفسهك مبسوطين انهم هيلاعبوا بلجيكا وعاوزين يثبتوا نفسهم” .
وأتم :”كل الاشاعات بخصوص رحيل كلاتنبيرج غير صحيحه ، انا فالاول قولتله انت عاوز حد يساعدك قاللي اه والكلام ده فالاول ، لما جه في اخر الموسم اللي فات عرضت عليه تاني ، قالي انا تمام ومش عاوز حد تاني والراجل ليه كل الصلاحيات حتى القايمه الدوليه هو اللي اختارها ومحدش تدخل” .
