كشف الإعلامي سيف زاهر عن كواليس حديثه مع البرتغالي روي فيتوريا المدير الفني للمنتخب الوطني الأول حول أزمه امام عاشور الأخيره رفقه الزمالك ، واذا ما كانت ستؤثر على اختياره له ام لا .
وكان امام عاشور قد استبعد من مباراه انبي الاخيره بسبب عدم التزامه وصبغ شعره باللون الاصفر على قول التقارير الصحفيه .
وقال زاهر في تصريحات تلفزيونيه لبرنامج ملعب أون تايم:” عبد الله جمعه مثلا ماشي كويس وكريم فؤاد زيه بس انا عندي مكانه ١ و ٢ وهكذا ، لازم اتفرج على ١٠ او ١٥ ماتش ليك عشان اضمك” .
وواصل :”رؤيه فيتوريا مختلفه لان رؤيته محتاجه صبر ووقت وطول ما انت ماشي هتشوف تغيير وتطوير ، المكسب اللي بيجي بضربه حظ مش هيودينا في حته ، اللي هيودينا فحته اننا نبقى دارسين وعارفين احنا بنعمل ايه “.
وأكمل :”مثلا قعدنا كتير نقول عمر جابر بيتاخد ليه تلاقي الاجابه على طول انه صاحب محمد صلاح ، طب اللي بعده جه اختاره ليه، الزمالك اشتراه ليه ، فيريرا بيلاعبه اساسي ليه ما اكيد لعيب كبير يا جماعه دي مبقتش محتاجه نتكلم فيها كتير بقا “.
وتابع :”بسأله على اكرم توفيق قالي ليه اكرم يعني قولتله اصله فرده تقيله قالي لا انا عندي ١١ فرده تقيله في المنتخب وعاوز المنتخب كله اكرم” .
وأتم :”كلمته على ازمه امام عاشور وانه صبغ شعره والحكايه والروايه لقيته بيقولي انا مبتكلمش عربي ومش فاهم انت بتقول ايه انا مليش دعوه بالكلام ده” .
