كشف الإعلامي سيف زاهر عن مفاجأه بخصوص الراحلين عن الزمالك في يناير المقبل وذلك بعد عدم اقتناع فيريرا بقدراتهم خلال الفتره الماضيه .
وقال زاهر في تصريحات تلفزيونيه عبر قناه أون تايم سبورت:”هناك ٣ لاعبين في الزمالك على قائمه الرحيل في يناير في دماغ فيريرا ، امير مرتضى عنده خطط للفريق في يناير ومحضرها” .
وواصل :”الكلام اللي بقوله ده معلومات ولو حد عنده كلام غير ده يطلع يكذبنا “.
وتابع :”ال٣ لاعبين فيريرا مش عارف يطلع اللي عندهم ، ال٣ لاعبين دول انا عارفهم بالاسم ولكن مش هقول هما مين عشان مش مفيد لنادي الزمالك اني اقول” .
وشدد :”فيريرا لما بيدي فرصه وميلاقيش مردود اللاعب بيخرج برا حساباته ، ال٣ لاعبين دول فيهم اسمين كبار ولكن الفتره الاخيره مش بيقدموا المردود المطلوب” .
وأتم :”امير مرتضى قال للاعبي الزمالك متقعدش وانت عندك عروض لو عاوز تمشي اتفضل ، في ٢ او ٣ لاعبين راحوا لامير قالوله احنا عروض ب٢٠ و٣٠ ، امير قالهم طب لو ب٩ او ١٠ مليون انا موافق هات العرض وامشي ومفيش حاجه جت” .
