“أول مره يتفقوا مع بعض”… سيف زاهر يعلن عن إتفاق غريب بين الزمالك والأهلي!!

كشف الإعلامي سيف زاهر عن إتفاق غير مقصود بين إدارتي الزمالك والأهلي بشأن تعامل اللاعبين مع السوشيال ميديا ووسائل الإعلام خلال الفتره المقبله .

وقال سيف زاهر في تصريحات تلفزيونيه عبر برنامج ملعب أون تايم:”الزمالك والأهلي اتفقوا مع بعض لأول مره في تاريخهم” .

وواصل :”الفريقين بلغوا لعيبتهم باعلى غرامه في تاريخ الناديين لو لاعب كتب اي كلمه على السوشيال ميديا” .

وتابع :”الفريقين بلغوا اللاعبين والاطقم الفنيه متكتبش اي حاجه ، هتقولي بكتب في حاجه غير الكوره هقولك مليش فيه متكتبش الا لما تكسب بطوله” .

وأكمل :”اللاعب المصري بيكتب في ٣ حالات يا اما يجدد عقده ، او يكسب بطوله او مبيشاركش ، ويبتدي يكتب في احاديث دينيه او مقولات اجتماعيه والاعلام يزيط” .

وواصل :”كولر والجهاز الفني وجهوا تحذير شديد لحسين الشحات ، انت بتكتب كتير وبتنزل مواضيع اجتماعيه والناس بتفهمها غلط وحذروه من تكرارها تاني” .

وأتم :”حسين الشحات محتاج يركز في الملعب لان المردود المتوقع من الصفقه مكنش مقنع وضعيف” .