“السرطان جايلك” ..رد ناري من مرتضى منصور على ممدوح عباس بعد تأييد الحجز على ارصدة الزمالك!!
علق المستشار مرتضى منصور رئيس مجلس إداره نادي الزمالك على الحكم الصادر بتأييد الحكم بالحجز على أرصده النادي والذي صدرصباح الأمس.
وكانت محكمه مستأنف مستعجل عابدين قد أصدرت اليوم حكماً بتأييد الحجز على أرصده النادي ورفض التظلم الذي تقدم به الزمالك لرفع الحجز عن الأرصده.
وقال المستشار مرتضى منصور في تصريحات تلفزيونيه عبر قناه الزمالك:”احنا هنعمل نقض على الحكم ده شئ اكيد ولكن انا بطمن ممدوح عباس الفرق الرياضيه كلها بكره هيدخل في حساباتهم مبلغ كبير و يوم الحد جزء تاني “.
وتابع :”ولكن انا بكلم وزير العدل ، اروح لمين ؟ احنا قدمنا المستندات اللي معانا وان لا يجوز الحجز على المال العام ، واتقال ان التظلم بتاعنا اترفض لان الاحكام نهائيه وباته واحنا قولنا لا في ١٩ حكم مش نهائي”.
وواصل :”انا ليا تعقيب صغير ان ليه هادي كده ؟ مش الفلوس دي مال عام ؟ والقاضي اللي قال ادوله الفلوس ده مش الدوله يعني بيحكم على فلوس الدوله ، انا طلعت في ٥ حلقات قولت وبالمستندات ان ممدوح عباس خد فلوسع ولكن في حد في الدوله سايب ممدوح عباس اللي خرب الدوله ، الدوله شايفه انها تدي فلوسها لممدوح عباس براحتها بقا “.
وأكمل :”انا بقول لوزير العدل انت جالك ملف كامل بيقول ان نادي الزمالك عنده محلات و اراضي بالمليارات وان الحجز يتم على اللي في منه خطر يهرب وانا عندي امكانيات ومش ههرب بتحجز ليه “.
وشدد :”كان ينبغي في هذه الحاله ان الورق لما يروح للقاضي بيبقى الطرف التاني مش مطلع عليه وبالتالي بيتقال ان الحكم يرجع للمرافعه عشان حضرتك الطرف التاني يطلع عليه ، وهنا حاجه من الاتنين حصلت يا اما القاضي اخطأ في الاجراءات يا اما السيد وزير العدل مبعتش الورق اصلا للقاضي والمحكمه” .
وأضاف :”انا ليا سؤال القضاء العادي اصدر الحكم لممدوح عباس في ٣٢ قضيه وحكمله ب٤٢ مليون جنيه في نص ساعه ، و القاضي المستعجل خد تأجيل اسبوعين وبعدين ايد الحكم ،يعني القضاء العادي بقا مستعجل والمستعجل بقا عادي” .
وأتم :”بطمن جمهور الزمالك اوعى تقلق ومتغلطش في القضاء وبقول لممدوح عباس قدام مصر كلها مش هتاخد الفلوس، وبأمرك يارب هتصرف الفلوس على مرض السرطان وهتشوف يوم اسود في مراتك وبنتك وابنك ايمن ومحمد” .
