تحدث الإعلامي أحمد شوبير عن تقنيه الفيديو وتطبيقها في الدوري المصري خلال المواسم السابقه ، مؤكداً أن التقنيه لازالت تحتاج للمزيد من التعديلات خلال الفتره القادمه.
وقال شوبير في تصريحات تلفزيونيه عبر برنامج ملعب أون تايم:”تقنيه الفيديو عندنا في مصر محتاجه تتظبط ، الصوره نفسها محتاجه تبقى احسن “.
وتابع :”يعني في ناس بتقول كوره سافيو امبارح بينالتي ، طيب على اساس ايه بتقول بينالتي الصوره مش مبينه حاجه” .
وواصل :”طارق مجدي امبارح عمل مباراه جيده ، والحنفي في ماتش المحله عمل ماتش كويس على الرغم اني مشوفتوش بعدها وغالباً موقوف او بيتعاقب ولكنه عمل ماتش كويس”.
وأتم :”في عدد كتير من الحكام انا سألته وقالولي يا كابتن شوبير اللي احنا بنشوفه في الفار اوضح بكتير جدا من الجوده اللي بتظهر على الشاشه للناس ، ومع ذلك برضو الجوده دي مش عاجباه وعاوز احسن”.
