“انا مش جايبك تحلل على السوشيال ميديا”… شوبير يفتح النار على كلاتنبيرج بعد أزمات الحكام الأخيره!!
فتح الإعلامي أحمد شوبير النار على مارك كلاتنبيرج رئيس لجنه الحكام بالأتحاد المصري لكره القدم ، وذلك بسبب أزمات الحكام خلال الفتره الماضيه ،فضلاً عن الأخطاء التحكيميه التي تملئ المباريات الأخيره في الدوري.
وقال شوبير في تصريحات تلفزيونيه عبر برنامج ملعب أون تايم:”النهارده كان في اجتماع بين كلاتنبيرج واتحاد الكره ،الاجتماع كان فيه قضايا كتير لانه بكره عنده جلسه مع الحكام” .
وتابع :”اول الموضوعات كانت القايمه الدوليه وهو بلغهم ان اي حكم معدي الـ٤٥ سنه يستبعد وكان اهمهم محمود عاشور ، وهنا الفيفا قالتلهم ان مفيش سن معين بيحدد الحكام وانت كده عملتلنا مشكله لان عاشور في القائمه الدوليه طب ليه مش بيتم اسناد مباريات ليه”.
وواصل :”كلاتنبيرج قالهم ان البسيوني والحنفي موقوفين من بعد مباراه الاهلي والمحله لان الاخطاء متكرره ، الصباحي مستبعد لان وزنه زايد والراجل قال ده عضل مش وزن زايد “.
وأكمل :”الحكام اشتكت من التعيينات وكلاتنبيرج قالهم دي وجهه نظري في التعيينات وانا أزعم ان كلاتنبيرج ميعرفش لسه كل الحكام واكيد هو بيعتمد على المعاونين ليه وانا معلوماتي انه طلب تغير بعض المعاونين في اللجنه غير دول ، هو عاوز عنصر او عنصرين يكونوا موجودين كمان معاه” .
وأضاف :”كلاتنبيرج طلب ١٣ يوم اجازه بسبب اجازه الكريسماس اتقاله انت كنت لسه اجازه بسبب كاس العالم قالهم لا الاعياد دي مقدسات مغيهاش فصال” .
وشدد :”انا مش جايبك عشان تعملي فيديوهات تحلل على السوشيال ميديا ، انا مشوفتش جلسات مع الحكام او توجيه للحكام ، انا مش هخاطب الحكام من خلال السوشيال ميديا يعني ، مفيش تصحيح اخطاء بيحصل ولا تطوير لمستوى الحكام” .
وأتم :”حازم امام كان لازم يحط بنود في العقد انت دورك ١ و٢ و٣ عشان نشتغل واكيد ده موجود لان حازم من الكوادر المحترمه في الوسط الرياضي ولكن مفيش تطوير لسه، انا معلوماتي ان لسه في في اتحاد الكره تيار مناهض لكلاتنبيرج” .
