وجه محمد سراج الدين عضو مجلس إدارة النادي الأهلي رسالة إلى جماهير الأهلي بشأن حضور مباريات الفريق في بطولة الدوري العام الممتاز.
وقال “سراج” :”أولاً أنا بشكر كل جمهور النادي الأهلي العظيم على الإشادات والتشجيع والثقة على مدار اليومين الماضيين بخصوص التطورات في ملف حضور الجمهور وده على رأسي ومحل اعتزاز كبير وتقدير”.
وأشار:”لكن للتوضيح ده مش مجهودي أو مسؤوليتي لوحدي انا فرد داخل منظومة كاملة كلها بتسعى وبتشتغل للنادي بإخلاص وأولها كابتن محمود الخطيب رئيس النادي الأهلي اللي تولى الأمر بنفسه من اتصالات ومجهودات والوزير العامري فاروق نائب رئيس النادي ورئيس اللجنة وكل أعضائها المجتهدين سواء دكتور محمد شوقي أو دكتور مهند مجدي أو النائب محمد الجارحي محدش قصر أو بخل بمجهود وشغل لخدمة الملف ده خصيصاً أو أي شغل تاني بشكل عام في النادي حتى محمد الدماطي أخويا المحترم وهو مش عضو في اللجنة لكن كان بيتابع معانا يومياً وبيساعد لان الهدف والمصلحة واحدة وهكذا تكون النوايا والإخلاص للمكان عشان ربنا يبارك يارب إن شاء الله”.
وأضاف “الجارحي” عبر صفحته الرسمية على موقع التواصل الاجتماعي “فيس بوك” :”الأهم بقى من كل الكلام ده أن ربنا يوفقنا يومها ونفوز يارب والفريق يستعيد الثقة تاني عشان نحس أن المجهودات دي مراحتش على الفاضي”.
وتابع:”وفي النهاية حابب كمان أتوجه بالشكر لكل الجهات المعنية والأمنية ورابطة الأندية للتعاون وحُسن التنسيق والتواصل وهو ما لمسناه خلال الأيام الماضية منهم جميعاً ونتمنى أن تكون بداية خير وكل الثقة في جمهورنا العظيم للظهور بالشكل المميز والقوي والإلتزام بالتشجيع الحماسي والمثالي كما تعودنا منكم”.
عضو مجلس إدارة الأهلي يحرج الجماهير بعد نقل ملعب مباراة بيراميدز – صورة
