كشف الإعلامي سيف زاهر عن صدمه جديده لنجم الأهلي محمود عبد المنعم كهربا من المدير الفني للفريق مارسيل كولر خلال الفتره القادمه وذلك بعد أزمته المستمره مع الزمالك .
وكان الزمالك قد حصل على حكم ضد لاعبه السابق محمود كهربا يقضي بدفع مبلغ مالي حوالي 2 ونصف مليون دولار بالاضافه للفوائد مع الايقاف لمده 6 أشهر لحين الدفع.
وقال زاهر في تصريحات تلفزيونيه عبر برنامج ملعب أون تايم:”كولر ابلغ الجهاز المعاون ليه ان كهربا الفتره القادمه هيخرج برا حساباته اثناء التدريبات ، لان زي ما قولنا قبل كده هو بيحب عدد معين من اللاعبين والعدد ميزدش” .
وواصل :”كولر شايف ان قصه كهربا ملهاش ملامح ومطوله وملهاش حل قريب عشان كده قرر استبعاده من التدريب”.
وأتم :”الاهلي لا فكر ولا باع كهربا وعمل اللي عليه والكره في ملعب كهربا ، لازم يتنازل ويدفع لان الغرامه كل يوم بتزيد والأهلي عمل الي عليه وزياده” .
