كشف الإعلامي سيف زاهر عن مفاجأة من العيار الثقيل بشأن إمكانيه رحيل بعض الصفقات الجديده التي تعاقد معها الزمالك خلال الفتره المقبله .
وكان الزمالك قد تعاقد مع العديد من الصفقات خلال فتره الإنتقالات الصيفيه الماضيه مثل المغربي زكريا الوردي و البنيني سامسون اكينيولا و السنغالي إبراهيما نداي .
كما تعاقد الزمالك مع ثنائي بيراميدز نبيل عماد دونجا و عمر جابر وثنائي طلائع الجيش عمرو السيسي و مصطفى الزناري بالإضافه لنجم إنبي مصطفى شلبي و المهاجم الشاب يوسف حسن.
وقال زاهر في تصريحات تلفزيونيه عبر برنامج ملعب أون تايم:”هقولكوا خبر من العيار الثقيل ، انتوا عارفين موضوع امام عاشور وان اداره الزمالك خدت قرار ان مفيش اي تجديد الا في نهايه الموسم” .
وواصل :”الزمالك مش عاوز يفتح الباب في نص الموسم عشان الفرقه متفكش وكله يقولك اشمعنى انا فالاداره قفلت التجديد لنهايه الموسم” .
وتابع :”سألت أمير مرتضى مباشره انت ممكن تجيب صفقات في يناير او فالصيف قالي ممكن “.
وأكمل :”قولتله طب مين هيطلع من اللعيبه القديمه ، قالي ليه بتقول القديمه مش بتقول لعيب في الزمالك هو الجديد ده محصن؟ لا ممكن تكون الكيمياء بتاعته مش ماشيه مع الفريق” .
وأتم :”القصه مش عناد و ممكن تجيب لعيب يبقى مكسر الدنيا ويجي عندك ميعملش حاجه ، وممكن لعيب محدش يعرفه وينفجر ويبقى مفيش زيه زي زيزو مثلا “.
