كريم حسن شحاته يوضح كواليس حواره مع أبوجبل بشأن جماهير الزمالك.. ويرد على إتهامات أمير مرتضى

كشف كريم حسن شحاته مدير الكرة بالبنك الأهلي كواليس حواره مع محمد أبوجبل حارس فريقه وذلك قبل مواجهة الزمالك والتي فاز بها الفارس الأبيض، ورد على اتهامات أمير مرتضى منصور المشرف العام علئ الكرة بالقلعه البيضاء.

وكان أمير مرتضى منصور قد هاجم لاعبي البنك الأهلي بسبب اضاعة الوقت اثناء مباراة الزمالك.

وقال كريم حسن شحاته في تصريحات تليفزيونيه ببرنامج اللعيب عبر قناة ام بي سي مصر:” انا ماسك مدير الكرة بالبنك الاهلي وضع طبيعي ازعل، والناس بتجيب صوري وانا زعلان معرفش في ايه، انا زملكاوي ومتربي في الزمالك ولكن منتمي للبنك وعاوز اكسب”.

وشدد:” انا بشتغل في البنك الاهلي نادي محترم ولازم اخلص له، وعاوز اكسب الزمالك والاهلي وكل الفرق”.

وأضاف شحاته: “عملنا ماتش كويس وكنا قريبين نكسب مباراة الزمالك، ومفيش توفيق لكن بنقدم اداء جيد”.

واوضح:” كابتن حلمي كان زعلان جدا، واتكلم ان الزمالك مضيعش كرات خطرة، وطبعا هو فريق كبير لكن قفلنا على مفاتيح اللعب إمام عاشور وزيزو، ولما شيكابالا نزل حرك الفرقة، وعواد هو سبب فوز الزمالك”.

واردف شحاته: “بتكون صدمة ان الهدف يجيي في الوقت الضائع، ابوجبل كان متوقع ان هيكون في هتافات ضده من جمهور الزمالك، وكلمته قبل الماتش وطالبته بالتركيز، وقالي انا محترف ومش بتأثر بالضغوط وكان هايل*!

وتابع:” وبشكر لاعبيتي على الاداء وهاردلك ومفيش نصيب

واكمل شحاته: “أمتى ضيعنا وقت؟ اللي وقعوا كان في اصابات واتغيروا، ومفيش اي اضاعه للوقت، كنا عاوزين نكسب ومضيعناش وقت، حاجه مش صح ان لاعبية الزمالك ان لاعب يقع ونخرح الكرة وميرجعاش لنا”.

واختتم:” كابتن حلمي من 10 ايام تولى الفريق له فكر مختلف عن خالد جلال واللاعيبه هتاخد وقت انها تستوعبه، كان عندنا طموح نكسب وفي اخر الماتش حاولنا نقفل علشان نتعادل”.