أكد أحمد حسام ميدو نجم منتخب مصر الوطني السابق، أن الأيام أثبتت أن الدول التي امتلكت مشروعا خاصا في كرة القدم وصلت إلى العالمية.
قال ميدو في تصريحاته عبر برنامج الريمونتادا على قناة المحور: “بتكلم إن مصر معندهاش مشروع في كرة القدم بقالي أكتر من سنتين وكنت أنا الوحيد اللي بتكلم في اتجاه إن مصر لازم يكون عندها مشروع ويتعمل دراسة كاملة عن المشروع الخاص بكرة القدم” .
أضاف: “في مسؤولين سابقين لاتحاد الكرة المصري كانوا بيحاولوا يقللوا من كلامي والأيام أثبتت إن الدول اللي عملت مشروع هي الدول اللي نجحت ووصلت للعالمية في كرة القدم” .
وواصل: “بعض المسؤولين عن الكورة في مصر في وقت سابق عندهم قدرة على التلون بشكل غير طبيعي، لازم اللي اشتغل صح يتكافئ وده مكانش موجود لكن الناس اللي اتسببت في انهيار الكرة في مصر لازم يطلعوا على المسرح ونشاور للناس عليهم” .
وأتم: “في ناس قلبت اتحاد الكرة المصري في وقت سابق لمكان لتصفية الحسابات والمُجاملات”.
