مرتضى منصور يفتح النار على أحمد الشناوي بسبب مستحقات الزمالك … ويتوعده بالنائب العام!!

فتح المستشار مرتضى منصور رئيس مجلس إداره نادي الزمالك النار على لاعب نادي بيراميدز الحالي والزمالك السابق أحمد الشناوي ، وذلك بسبب مستحقات الزمالك لدى اللاعب.

وكان الزمالك قد حصل على حكم ضد لاعبه السابق أحمد الشناوي يفيد بدفع مبلغ 8 مليون جنيه قيمه مقدم التعاقد التي حصل عليها اللاعب نظير تجديد تعاقده مع الزمالك قبل إنتقالع لفريق نادي بيراميدز.

وقال المستشار مرتضى منصور عبر قناه الزمالك:”الاخ احمد الشناوي اخد 8 مليون وخلع واللي قبل ماتش الزمالك والاهلي بيوم راح قعد مع الخطيب وخسرنا 3، هي دي الاخلاق انك تجتمع باللاعب ويدخل فيه 3 اهداف ميدخلوش في طفل؟”.

وواصل:” عملنا شكوى في اتحاد الكرة وقالوا رجع الفلوس وتظلم وبعد التحقيق قالوا له ادفع الـ8 مليون للزمالك”.

وتابع:” لما مشيت وجه حسين لبيب راح الشناوي للجنة التسويه والتحكيم، لغى الـ8 مليون ولما اللجنة رفعت الايقاف عن شيكابالا لم يتم تنفيذه لان قرار اتحاد الكره اعلى من لجنه التحكيم والتسويه”.

وأكمل:”وبقوله وبقول لسالم الشامسي عاوز الـ8 مليون بفوايدهم لان هقدم بلاغ النائب العام”.

وأتم:” ده شغل بلطجه هو بيلعب ليه في قرار بوقفه ولا علشان فلوس الزمالك ومحدش من الاعلاميين اتكلم على الموضوع ليه؟”.