كشف المستشار مرتضى منصور رئيس مجلس إداره نادي الزمالك عن أسباب فسخ التعاقد مع المغربي زكريا الوردي بعد إعلان النادي رسمياً فسخ التعاقد معه .
وكان الزمالك قد تعاقد مع زكريا الوردي في صفقه انتقال حر بعد نهايه عقده مع الرجاء المغربي بسبب حاله نفسيه سيئه يمر بها اللاعب بسبب خطأه في مباراه الأهلي بالسوبر والتي خسرها الزمالك بهدفين دون رد .
وقال المستشار مرتضى منصور عبر قناه الزمالك:”زكريا الوردي لاعب محترف وكبير وكان في خناقه عليه من فرنسا و الترجي والوداد”.
وتابع :”بعض العيال قليله الادب اللي استلموا اوباما ومحمود علاء مسكوا فيه بسبب مباراه السوبر ودي لعبه ممكن تحصل مع اي حد عادي ولكن جلد الذات بقا ، ودي عيال مش زملكاويه ولو مبطلوش هيبقى فيه تصرف معاهم وخصوصاً الصفحات المأجوره “.
وواصل :”الراجل بسبب الهجوم قالي انا مش هقدر اكمل مع انه من أحرف اللاعيبه المغاربه ، الراجل مش قادر يكمل ورغم ان امير بيحاول معاه بقاله ١٠ ايام الا انه مش عاوز يكمل خلاص “.
وأكمل :”انتوا عاوزين تضيعوا الفريق ؟ ياما لعيبه كبار زي كريستيانو وميسي ضيعوا لكن لازم جلد الذات ومسكوا الراجل ولكنه خلاص مش عاوز يكمل مع انه من احرف اللاعيبه المغاربه في مركز ٦ “.
وأضاف :”انت خلاص لاعب فري بعد الفسخ بالتراضي مع ان كان في خناقه عليه وهو فضل الزمالك ولكن القبيضه واللي مش زملكاويه طفشوه ، انت لاعب محترم ومحدش سمع صوتك ولكنك محترم ، انت عندك دم لما حسيت ان في مشاكل طلبت تمشي” .
وأتم :”الفلوس اللي خدها زكريا الوردي مقدم عقد هيرجعها للنادي لانه لاعب محترم ومؤدب ، وهتشوفوا يا متزملكين ازاي زكريا الوردي هنتحسر عليه لما يتألق مع النادي اللي هيروحه”.
