كشف الإعلامي سيف زاهر عن كواليس جديده في أزمه أفشه مع الأهلي بعد إضاعته لركله جزاء أمام فيوتشر تسببت في ضياع نقطتين من الأهلي.
وكان الأهلي قد قرر معاقبه أفشه طبقا للائحه الفريق ، ليكشف سيف زاهر كواليس عقاب أفشه والمتسبب الحقيقي ورائها.
وقال زاهر في تصريحات تلفزيونيه عبر برنامج ملعب أون تايم:”محمود الخطيب شخصياً هو من قرر معاقبه أفشه ، انا بقولكوا اللي اتقال بالنص” .
وواصل :”اتقال يا كابتن خطيب احنا بنعاقب بشكل سري قالهم لا انا هعاقبه علني”.
وأكمل :”الحقيقه ان القرار كان عشان حماية لافشه لان لو مكانش اتعلن عن معاقبته كان جمهور الاهلي هو اللي عاقبه” .
وتابع :”حد يقولي طيب ما هو اتهاجم من الجمهور اقولك لا ده كده كان بيلمس معاه وبيقوله جمهور الاهلي ميتلعبش معاه كده ، الجمهور الشبعان بيضرب في المليان”.
وأتم :”مينفعش يبقى الفريق متعادل أو خسران وتطلع تضحك وتنزل ساعات على السوشيال ميديا ، بس لازم يبقى فيه فرق بين العقوبات والدبح ، واقولكوا على حاجه لو الاهلي مكنش اعلن عقوبه افشه كان الجمهور خلاه ميعرفش يلعب لفترات طويله” .
