“2 لعيبه مكنش ينفع يطلعوا من الملعب” .. تعليق قوي من حازم إمام بعد التعادل مع المصري!!
!["2 لعيبه مكنش ينفع يطلعوا من الملعب" .. تعليق قوي من حازم إمام بعد التعادل مع المصري!! 1 "2 لعيبه مكنش ينفع يطلعوا من الملعب" .. تعليق قوي من حازم إمام بعد التعادل مع المصري!!](https://zamalek.news/wp-content/uploads/2022/12/images-946.jpeg)
وجه حازم إمام نجم نادي الزمالك السابق وعضو مجلس إداره الإتحاد المصري لكرة القدم الحالي رسائل قويه لفيريرا بعد التعادل أمام المصري اليوم.
وكان الزمالك قد تعادل مع المصري البورسعيدي بهدفين لكل فريق ، ليفقد الزمالك نقطتين في صراع الدوري الممتاز.
وقال إمام في تصريحات عبر قناه أون تايم سبورت :”الخطه في الزمالك فيها حاجه غلط ، ليه الزمالك بيلعب ٣ في وسط الملعب ، وبيلعب ٣ فلات” .
وواصل :”الهدف التاني للمصري احمد الشيخ “هوش” وعدى منطقه الجزاء بقت فاضيه طيب انا بلعب ٣ في نص الملعب لما مفيش حد هيغطي” .
وتابع :”كنت طلعت روقا ولعبت حد تاني يعرف يزيد قدام ولكن ده محصلش”.
وأكمل :”احنا لسه في اول ٤ مباريات في الدوري ، الزمالك اشترى صفقات كتير جدا ولكن لسه بدري” .
وأصاف :”الزمالك قعد شهر كامل اجازه ولكني مش شايف اي استفاده منها ، انا مشفتش الزمالك عمل معسكر مثلا” .
وشدد :”المستوى البدني للعيبه كمان عليه علامات استفهام ، الاخطاء الدفاعيه كتير يعني اجيب جول يدخل فيا جول واتقدم يقوم متعادل” .
وأردف :”انا اثق في مستر فيريرا ولكنه محتاج يلم ورقه بسرعه ، مصطفى شلبي كان لازم ميتبدلش حتى لو عمل كورتين مش كويسين عشان كان لازم ياخد الثقه” .
وأستطرد :”امام عاشور مكنش لازم يطلع لان هناك بعض اللاعبين ليهم ثقلهم زي امام عاشور جاب جول ولاعب اساسي في منتخب مصر ، غير ان اللاعب الناشئ بينزل في الظروف دي هيبقى مشدود وممكن ميستغلش فرص كان امام هيستغلها” .
وأتم :”النقاط “بتتسرسب” والدنيا ممكن تفتح واتمنى يلم الاوراق بسرعه” .