أكد المستشار مرتضى منصور رئيس نادي الزمالك، أن هناك خطوة واحده تفصل ادارة الكرة عن حسم صفقات الفريق في يناير الجاري.
وقال مرتضى منصور في مداخله هاتفيه ببرنامج “زملكاوي” عبر قناة “الزمالك”:” شايفين ولاد الزمالك مدربين في الفرق، ومنهم خالد جلال كان في البنك الاهلي وبعده حلمي طولان وأمير عبدالعزبز ده نجاح للزمالك”.
إقرأ ايضا.. لاعب الزمالك يدعم فيريرا بعد تصريحات مرتضى منصور-صورة
واضاف:” كان في 2 لعيبه قاعدين معايا انا وهم امير وده مش بناء على طلب الجماهير لاعلشان احتياجات الفريق، واتفقنا معهم متبقي نتفق مع انديتهم، لاعبين محترمين زي اللي تعاقدنا معهم”.
وشدد مرتضى:” امير مبينمش علشان الصفقات، وهو اللي كان جايب بن شرقي وبن ساسي وغيرهم، حتى الان لم ناخد جنيه من الشركة الراعيه وهيدخل لنا فلوس محترمه الفتره الجايه”.
واردف: “وزير الرياضة وافق على تأسيس شركة الزمالك للاعلان والاعلام وخلال اسبوع القناة هتكون ملكيه تامه، اللي مزعلني ان في زملكاويه بيقلوا ادبهم على اعلاميين القناة لا مش كده بالجزمة القديمه، مشوفتش حد بيكره نادي زي اللي بيقولوا اننا زملكاوية”.
وواصل:” احنا متحملين لكن احنا على الاخر في ناس بتتمنى خسارة الزمالك، في ناس معترضه على فيريرا والقناة واللعيبه يعني نففل النادي، لامفيش كده اللي بيقول كده مجرمين وقبيضه مش عجبهم حد”.
واشار مرتضى:*قالوا اسماعيل يوسف جاي علشان اطفش فيريرا، هوانا محتاج حد مانا ممكن اقوله تعالى انت خسرت3 بطولات، لكن انا قلت فيريرا مكمل مهما كانت النتايج يعني انا لما اهدى تتجنوا انتم”.
