“انتم مش فرحانين به ادفعوا”.. تعليق مُثير من خالد الغندور على مشاركة كهربا مع الأهلي!!

علق الإعلامي خالد الغندور على مشاركة الهارب محمود كهربا لاعب الأهلي مع الفريق أمام سموحه في نصف نهائي كأس مصر، بالرغم من عدم دفعه الغرامه للزمالك.

وقال خالد الغندور في تصريحات تليفزيونيه ببرنامج “زملكاوي” عبر قناة “الزمالك”: “كهربا اخر ماتش له مع الاهلي كان اكتوبر2021 قبل بطولة العرب وبعدها اعير لتركيا، كهربا دي 3 سنه له في الاهلي من عقده4 سنين شارك وقت اد ايه؟”.

إقرأ ايضا.. لاعب الزمالك يدعم فيريرا بعد تصريحات مرتضى منصور-صورة

واضاف:” طلع بعض الناس انتصرنا عليكم، وكهربا لعب الاهلي جامد وانتصر، يعني ايه انتصر ما هو لعب سنه قبل مايتوقف هو القصه ايقاف، اه كهربا هيلعب وهيقسط غصب عنكم وهيدفع النص”.

وشدد الغندور:” مجلس ادارة الاهلي فرحان و كهربا لعب والجمهور غنى وهو باس الفانله وفرحانين ماتدفعوا الفلوس لكهربا، ماهو جامد اهو بدل ماتدفع لكريستو مليون و300 الف دولار ماتدفع لكهربا”.

واردف:” لا انا عاوز انتصر من غير مادفع، كهربا بكره اخر يوم له يقول للفيفا مدفعش ليه غرامه الزمالك مش مهم،المهم كهربا شارك”.

وواصل الغندور: “ميفرقش معنا كهربا، احنا انتصرنا على الزمالك، ماتدفعله لا مش هدفع طيب ماتدفع ياكهربا مش بتحبه، دانتم معكم مليار ونص وعندكم رعاة و5 فروع وبتجيبوا صفقات”.

واكمل:” يامرتضى يامنصور هتقسط غصب عنك، حرام قسطوا له لانه لاعب ومستقبله، قسط له علشان يلعب في الاهلي، طب ماتقسط له انت ويلعب عندك”.

واشار:” هو ابن خالتك يعني، انا اقسط للاعب خاين علشان يلعب عندك، انت بتحبه قسط له، انت اهم حاجه عندك االلقطه وكهربا لا المهم اللقطه وانه شارك”.

واستطرد الغندور:” لوشايف كهربا لاعب مهم وصفقه مهمة، كنت دفعت له وقسطت له بدل ماتطالب مرتضى انه يقسط له علشان يلعب في الاهلي، الزمالك بيُحارب دايما وبيكسب بطولات بالعافيه”.

واختتم:” انتصار القيم والمثل والمبادئ الحمدلله ان زملكاوي انا شخص بيغلط والمستشار مرتضى بيغلط بن ادم عادي لكن انت مش ملاك، متجيش تقولي عصام الحضري هارب ومستحيل يرجع الأهلي، طيب ما كهربا هارب لكن انا قيم الهروب من الزمالك مبادئ عندي، لكن العكس دي مبادئ”.