كشف الإعلامي سيف زاهر عن كواليس جديده في إمكانيه انضمام نجم نادي الزمالك إمام عاشور للأهلي في حال رحيله عن صفوف الزمالك للإحتراف الخارجي.
وكانت تقارير صحفيه قد أشارت لوجود عرض من نادي ميتلاند الدنماركي للتعاقد مع إمام عاشور بمبلغ وقدره ثلاثه ملايين دولار، وحسبما علم زمالك نيوز فإن إمام عاشور قد وافق على البنود الشخصيه وفي انتظار جلسه حاسمه مع اداره الزمالك سواء برحيل اللاعب او بقاءه .
وقال زاهر في تصريحات تلفزيونية عبر برنامج ملعب أون تايم:”امام عاشور هيتباع ولا لا ؟ ممكن يتباع وممكن لا ، الموضوع في ايد اداره الزمالك”.
وواصل :”هل امام عاشور ممكن يروح النادي الاهلي ؟ اه طبعا امام عاشور ممكن يروح النادي الأهلي ، لازم نعرف الحاله ونعرف احنا بنتكلم في ايه عشان نحدد “.
وتابع :”الزمالك جاله رقم في امام عاشور مثلا ٤ او ٥ مليون دولار ، احنا في زمن الاحتراف ومفيش لاعب ممكن ميمشيش “.
وأكمل :”هل الزمالك وهو بياخد قرار بيعه مش عارف كل التصورات ؟ لا طبعا عارف ومنهم انه ممكن يرجع مصر على الاهلي ، ده اكيد وارد في عصر الاحتراف” .
وأتم :”وبرضو وارد انه يرجع على الزمالك عادي جداً ، احنا في زمن الاحتراف والدنيا عرض وطلب ، هل هبيع بشرط انه يرجع ليا ولا اي شروط خاصه دي بقا في ايد اداره الزمالك”.
