انفجر المستشار مرتضى منصور رئيس نادي الزمالك، في وجه طارق حامد لاعب نادي إتحاد جده السعودي، بسبب تصريحاته عن كواليس رحيله عن الفارس الأبيض وتكذيبه لكل ماقاله منصور
وقال مرتضى منصور في مداخله هاتفيه ببرنامج
زملكاوي عبر قناة الزمالك:”يحاول اقنع امام بالاستمرار وقلت له امامك 3 امور اختار منها الاول هجددلك سنتين بقيمة عقد زي زيزو،و الثاني متعملش عقد جديد وفي نهاية عقدك عاوز تمشي امشي، والثالث لكن لوصمم عاوز تمشي امشي لانه مش هيأدي لوقعد غصب عنه”.
طالع تصريحات طارق حامد.. لأول مره طارق حامد يخرج عن صمته ويكشف كواليس عدم التجديد للزمالك ويكذب مرتضى منصور-فيديو
واضاف:” في 48 ساعه خلصنا لاعب الجمهور كان عاوزه، وبديل لامام عاشور”.
وشدد مرتضى:”هعطي لامام فرصه للساعه 6 الصبح لوربنا هداه ووالدته قالتله اقعد خلاص، انا معملتش كده مع اي لاعب ان احاول اقنعه واعرض عليه الحلول دي”.
واكمل:” انت يا طارق ياحامد مش كنت مع وكيلك في بيت امير وقولتله اعطيه اللي هو عاوزه علشان يجدد، وامير كلمني في للتليفون ووكلمت وقتها طارق وقال امير عرض علي 20 مليون، ووكيله موجود يشهد وقالي لا عاوز 25 مليون ووافقت، وقالي هصلي صلاة استخاره”.
اختتم:” وانا اللي عملتك ياطارق وكنت جاي بشبشب، وفرج عامر كان مقعدك في البدروم، انت كنت كومبارس في الزمالك لابراهيم صالح اول لما جيت، وعملناك بن ادم تطلع تكدب، هو انت فاكر خلاص هتفضل في السعوديه وبعد ما تبطل هتفتح محل فراخ ومش راجع مصر؟ انت بتتكلم عننا انت وطارق السيد”.
