طالب أحمد سليمان عضو مجلس اداره الزمالك والمرشح في انتخابات رئاسه الزمالك سابقاً باجراء عاجل من وزراه الشباب والرياضه لانقاذ الزمالك بعد الاحداث الأخيره الفتره الماضيه .
ويمر الزمالك بحاله من التخبط وتراجع النتائج كان أخرها الهزيمه أمام فاركو بثلاثيه نظيفه منذ قليل في الدوري ، وذلك في اطار المباراه التي اقيمت بين الفريقين على ستاد برج العرب بالإسكندرية.
وقال سليمان في تصريحات إذاعيه عبر اذاعه نجوم اف ام:”أنا شايف بالاحداث اللي بتحصل في نادي الزمالك والانقسامات دي ، إنك لازم توفر المناخ المناسب والصالح للفريق ، للاسف كل حاجة بقت ضدك وكل يوم حدث”.
وواصل :”حتى ارض 6 اكتوبر اتسحبت منك وفي نفس الوقت المنافسين بيتفتح كل شوية فروع جديدة ، إحنا وصلنا 112 سنة
والزمالك فرع جديد ،لما دخلت كان عدد الاعضاء 54 الف ، دلوقتي 125 ألف “.
وشدد :” لا الوزارة لازم تتدخل بجد ، اعزل الناس شوية ، وجيب ناس ملهاش اي مطامع ترتب الدنيا وتشوف الامور كلها وتظبطها وابعد خالص عن الانتخابات دي غير لما يعاد ضبط الامور ، رغم اني هستفاد لو حصل انتخابات لكن مصلحة الزمالك أهم”.
وأتم:” عمري ما كنت ضد اي حد مهما اختلف معايا ،عكس الحالي بيخون اي حد ضده وبيشتم وبيهاجم ، يعني الناس مش حزينة وهي بتشوف الاهلي في كاس العالم والزمالك اللي عمل كل حاجة قارية من الثامانيات والتسيعنات بالمنظر ده ،طبعا فرحانين بالاهلي وصوله كمصريين ، لكني بتكلم علينا كزملكاوية”.
