“أنقذوا الزمالك من هذا الشخص” .. عضو مجلس اداره النادي السابق يوجه رساله ناريه للرموز بعد تراجع الزمالك!!-صوره

وجه مصطفى سيف العماري عضو مجلس اداره الزمالك السابق رساله ناريه لرموز الزمالك وذلك بعد تدهور مستوى الفريق على كافه الأصعده خلال الفتره الماضيه .

وكان الزمالك قد تعرض للهزيمه أمام نادي شباب بلوزداد الجزائري في افتتاحيه مشوار الفريق بدور المجموعات بدوري أبطال أفريقيا بهدف نظيف سجله ليونيل وامبا من علامه الجزاء.

وقال العماري عبر حسابه الشخصي على موقع التواصل الإجتماعي فيسبوك:” ‏اهم مرحلة في تاريخ نادي الزمالك دلوقتي من جمهوره يبقى في ظهره ويحارب كل فاسد ومنتفع من وراء النادي وكلام ده مش بقول دلوقتي كلام ده بقول من 2014 والتاريخ يشهد”.

وواصل :”اما كنت عضو مجلس إدارة كنت شايف اللي بيحصل ده من العشوائية في اتخاذ القرارات المتسرعة والدخول في الصراعات الشخصية من رئيس النادي مع كل مؤسسات الدولة والحمد لله محدش في مصر كلها هي زايد على حبي لنادي الزمالك أنا كنت أصغر عضو مجلس إدارة في 2014 وقدمت استقالة مسببة بعد سنة ونص وقلت كل الكلام ده إلى الجهة الإدارية وأظن أنا عملت اللى عليا عشان أنا ما بكتب أي حاجة محدش يقول لي أنت بتكتب على ال Facebook”.

وتابع :”نادي الزمالك محتاجنا كلنا نعمل وأنا عن نفسي خوضت انتخابات 2022 وكلكم عارفين اللي حصل في الانتخابات دي عمري ما شفت انتخابات في نادي بيحصل فيها 10,000 صوت باطل طبعا مش اتكلم بقى على الانتخابات قبليها كان بيحصل ايه من هجوم وأكاذيب اتجاه المرشحين وبرضو الواحد كمل في إطار الطرق الشرعية”.

وأضاف:” أنا الحمد لله عملت اللى علي في اتجاة النادي و عمري ما خوفت وأنا تحت امر نادي الزمالك وتحت امر جمهور نادي الزمالك في أي حاجة بس بجد الواحد زهق ونفسه يشوف رئيس مجلس إدارة محترم لنادي‏ تاريخة كبير”.

وشدد :”أخيرا رسالة لكل واحد عارف نفسه من انصاف الرموز اتقوا الله في نادي الزمالك العمل اسمكو والسكوت والوقوف مع هذا الشخص عشان المادة وجمهور الزمالك عرفكم واحد واحد وحسبي الله ونعم الوكيل في كل واحد واقف معاك”.

وأتم :”عشان أي حد تاني هيزايد على حبي لنادي الزمالك اعمل ‫1\4‬ اللي أنا عملته ضدد هذا الرجل و عشان أنا أبويا رباني الله يرحمة على حب النادي ده زي بيتي بالظبط يا رب الرسالة تكون وصلت”.