رفع أحمد حسام ميدو المدير الفني لفريق الكره الأول بنادي الإسماعيلي الحرج عن مجلس إداره الدراويش وذلك بعد أنباء الأقاله التي ترددت في الساعات الماضيه .
وكان الإسماعيلي قد تعادل في مباراته اليوم أمام غزل المحله والذي لعب المباراه منقوصاً منذ الدقائق الأخيره من الشوط الأول ، لتخرج أنباء اقاله الجهاز الفني بعد المباراه .
إقرأ أيضاً| بعد كثره الأقاويل .. شوبير يحسم الجدل بخصوص تطورات قضيه الهارب كهربا مع الزمالك!!-فيديو
وقال ميدو في تصريحات تلفزيونية عبر برنامج ملعب أون تايم:”ماتش النهارده كان في المتناول وفرطنا في نقطتين كانوا مهمين وكنا قريبين من الفوز ، رغم لعب المحله ب١٠ لاعبين ، لما بتلعب قصاد فرقه ١٠ لاعبين ساعات بتبقى اصعب” .
وواصل :”جالنا ٥ او ٦ فرص مؤكدين كان لازم نقتل بيهم الماتش، قانون كره القدم واضح لو ضيعت هتستقبل هدف ، ده بالنسبالنا اول ماتش في الدور التاني لان اول ماتش قصاد الاهلي متأجل”.
وتابع :”كان عندنا سوء توفيق كبير جدا والمحله اتسغل سوء التوفيق ده وبحييهم لعبوا ماتش كبير جدا ، بعتذر لجمهور الاسماعيلي اننا ضعينا نقطتين كانوا هيحطونا في مكان افضل” .
وشدد :”انا شغال مع اللجنه المؤقته الجديده وانا استلمت الشغلانه في ظروف صعبه جدا وربنا يعلم اني حاولت اعمل كل حاجه اقدر عليها عشان اعالج كل المشاكل الموجوده ، اعتقد ان دلوقت جه الوقت اني ارفع الحرج عن مجلس الاداره وبقولهم لو انتوا شايفين ان هناك دور كامل مدير فني اخر ياخد الفرصه فأنا بديهم فرصه يجيبوا مدير فني تاني “.
وأكمل :”انا بعلن من خلال برنامجك اني برفع الحرج عن مجلس الاداره والقرار المناسب لصالح مستقبل الفريق ومستقبل النادي”.
وإستطرد :”انا شايف اني حالياً لازم ارفع الحرج عن مجلس الاداره واللي انا بقوله دلوقت ده هو صالح الاسماعيلي ، لو مجلس الاداره شايف ان رحيل ميدو هو الافضل انا برفع عنهم الحرج وبقولهم اعملوا كده فوراً”.
وأردف :”لو مجلس الاداره خد قرار باستمرار ميدو انا طبعا تحت امرهم انا محب للاسماعيلي من قبل ما ابقى مدرب” .
وأتم :”الاسماعيلي عنده لعيبه كويسه جدا ولكن اللاعبين بيلعبوا تحت ضغط كبير جدا ، بشكر الجمهور اللي ساند قبل وبعد واثناء المباراه ، مفيش خبايا والناس كلها عارفه ظروف النادي والمجهود اللي عملناه داخل وخارج الملعب” .
