بعد أنباء “الضرب” في التدريبات .. سيف زاهر يحسمها ويكشف سبب غياب الهارب كهربا عن المباريات !!
كشف الإعلامي سيف زاهر عن سبب غياب الهارب كهربا عن المشاركه في مباريات الأهلي الماضيه ، وذلك بعد عودته للمشاركه مع الفريق قبل بطوله كأس العالم للأندية.
وكانت تقارير صحفيه قد أشارت لوجود اشتباكات بين الثنائي شادي حسين وكهربا خلال تدريبات الفريق مما ادى لاستبعاد كهربا عن المباريات مما أثار الجدل بشأن حقيقه عدم مشاركه اللاعب وسببه.
إقرأ أيضاً| سيف زاهر يعلنها : على مسئوليتي هذا اللاعب “هيعدي” إمام عاشور في الزمالك !!
وقال زاهر في تصريحات تلفزيونية عبر برنامج ملعب أون تايم:”بعض الناس بتسأل هو كهربا فين ، انا رأيي ان كولر قمه العدل ، هو عارف هو قال ايه للعيبته وهو عارف المطلوب اللي متنفذش ايه ، انا من انصار ان المدرب يقول اللعيبه مش فمستواهم او ادوا ما عليهم” .
وواصل :”كهربا جاله دور برد ، وحصل حديث بين كولر وبين كهربا ، بعد ما جاله دور برد وابتدى يتدرب كولر قاله جمله مهمه جدا” .
وشدد :”كولر قاله انت بعد ما لعبت المره اللي فاتت لعبت عشان بتدرب كويس ، واللي بيتدرب كويس هيلعب لكن انت المرادي مش زي المره اللي فاتت” .
وأتم :”من الاخر عشان حل اللغز ده كهربا مش هيرجع يلعب غير لما يكسر الدنيا ويدغدغها في التدريبات”.
