بعد اثارته للجدل .. تصريحات ناريه من إبراهيم نور الدين بشأن القرارت التحكيميه في مباراه سموحه!!-فيديو

علق الحكم الدولي إبراهيم نور الدين حكم مباراه الزمالك وسموحه على القرارات التحكيميه المثيره للجدل في المباراه ، مؤكداً أن اتجاه الكره وزوايا الكاميرا من أهم عوامل احتساب الحكام للقرارات عند العوده لتقنيه الفيديو.

وشهدت مباراه الزمالك وسموحه العديد من القرارات التحكيمية المثيره للجدل أهمها عدم احتساب ركله جزاء لسموحه بعد العوده لتقنيه الفيديو ، واحتساب ركله جزاء للزمالك بعد العوده للتقنيه.

إقرأ أيضاً| “موضوع كهربا انتهى” … سيف زاهر يفجر مفاجأت من العيار الثقيل بشأن أزمه الهارب مع الزمالك !!-فيديو

وقال نور الدين في تصريحات تلفزيونية عبر قناه الحياه :”انا بحيي الكابتن جمال الشريف الاستاذ المحترم الغير مغرض اللي بيحلل باحترام واحترافيه ومعندوش اغواء او طموحات او انه يخبط في حد عشان يوصل لمكان معين ، هو بيقول الحقيقه دايما والمقصود من التحليل ان الحكام الكبار تقول للحكام الاصغر منهم الاخطاء ويستفيدوا منهم” .

وواصل :”سمعت ان البعض قال حب نفسك ومش يحب نفسك ، عاوز اقولهم حب انت نفسك وخليك محترم في تحليلك ، اطلع قول فاول او كارت احمر ، مش تقولي حب نفسك ، من باب اولى تحب انت نفسك و تطور من نفسك وتثقف نفسك عشان لما تطلع تتكلم تعرف ازاي تتكلم” .

وتابع :”انا مش هقدر احلل احداث الماتش ولكن هديك مفاتيح كده عشان مبقاش دخلت في نواحي فنيه ، انا قربت ابطل خلاص وهبدأ احلل” .

وشدد :”لما يبقى في اتنين لعيبه داخلين على كوره انت متسلطش او توجه نظرك على التلامس اللي حصل ، لان التلامس طبقاً للقانون ممكن يبقى في حركه اضافيه ، انت المفروض في زوايا كاميرا وافضل كاميرا تبين اللي بتبقى ورا الجول ، انت ما دام فشلت ان تجيب زاويه كلوز يبقى الافضل ان تجيب زاويه تبين مين اللي لمس الكوره من اتجاهها ، ده كلام الناس اللي بتدور على شفافيه وتحليل مش الناس اللي ليها اغواء واغراض عشان توصل لاماكن لا تستحقها” .

وأضاف :”احنا عندنا مشكله في تمركز الكاميرات ، لو تفتكر ماتش الاهلي والرجاء السنه اللي فاتت كان في ضربه جدليه عشان زاويه الكاميرا”.

وأتم :”في برضو مباراه الاهلي والمقاصه من كام سنه ، في فرق بين لمس الكره واصطدام الكوره ، الاصطدام بيغير اتجاه الكوره ، لكن اللمس لا يؤثر ولكن برضو بيبقى في لمسه يد “.

شاهد |