كشف الإعلامي سيف زاهر عن ثوره غضب السويسري مارسيل كولر في لاعبي الأهلي بعد التعادل المخيب امام نادي صن داونز الجنوب إفريقي ، مؤكداً ان لاعبي الأهلي لم يؤدوا التعليمات المطلوبه منهم بالشكل الأمثل.
وكان الاهلي قد تعادل مع نظيره صن داونز الجنوب إفريقي بهدفين لكل فريق ، ليتعقد موقف الفريق في البطوله بعدما جمع نقطه واحده فقط من مباراتين.
إقرأ أيضاً| شوبير يكشف كواليس مفاجئه في قرار قيد صفقات الزمالك !!
وقال زاهر في تصريحات تلفزيونية عبر برنامج ملعب أون تايم:”كولر عمل النهارده اول جلسه عاصفه مع لاعبي الاهلي وكانت بعنوان لم ينجح احد” .
وواصل :”كولر كان قاسي النهارده مع لاعبي الاهلي وقالهم كل اللي بنتمرن عليه محدش نفذه ، والنتيجه غير عادله” .
وشدد :”كولر مستنثناش حد الا محمد الشناوي اللي قاله احنا لولاك كانت نتايج الفريق هتختلف” .
وتابع :”الناس كانت متوقعه هيبقى فيه انتقاد لمحمد هاني من كولر عشان ضربه الجزاء ولكنه متكلمش معاه وقال انه هيعيد ترتيب منفذي ركلات الجزاء”.
وأضاف :”كولر قالهم ان كم الفرص المهدره هو عدد هائل ، كولر قال للاعبين اللي مش هيبقى فمستواه ملوش مكان معايا” .
وأتم :”كولر كان قاسي جداً ولكن الحقيقه هي حاجه مستحقه ، كولر اتكلم مع الثلاثي الهجومي بشكل خاص وقالهم انا ادتلكوا فرص كتير ولكن للصبر حدود ، قالهم في كتير على دكه البدلاء ومعنديش اسامي كبيره واي حد ممكن يقعد “.
