كشف الإعلامي أحمد شوبير عن وجود عشوائيه كبيره في إداره الكره في مصر ، مؤكداً أن التنظيم الجيد مثل ما يحدث في نادي مانشستر يونايتد هو ما يؤدي للنجاح في النهايه .
إقرأ أيضاً| “ رصيده عند فيريرا خلص” .. سيف زاهر يكشف عن صدمه المدرب لنجم الزمالك قبل مواجهه الترجي !!
وقال شوبير في تصريحات تلفزيونية عبر برنامج ملعب أون تايم:”اتحاد الكوره بيقول انه هيطرح بالجيل الجديد من المدربين الشباب في المنتخبات الوطنيه وخصوصا المنتخبات الشباب” .
وتابع :”في اسماء كتير مطروحه زي محمد شوقي ووائل رياض وممكن حسين ياسر المحمدي” .
واضاف:”طيب انت عاوز تطرح جيل الشباب معملتش ليه كده من زمان! ، طيب انا هقولكوا الاجهزه الفنيه بتتكون ازاي عضو مجلس اداره مثلا يختار فلان فيطلع فلان من الاهلي فيجي العضو التاني يقولك لا يبقى المدرب التاني يكون من الزمالك طب ايه المشكله يا سيدي لما يبقى اهلي او زمالك او ترسانه يعني” .
وشدد :”وبعدين يجي بقا تكوين الجهاز المعاون يقولك انا هاخد ده بقا من طنطا عشان عضو مجلس الاداره من طنطا ، وهاخد ده من الصعيد عشان مش عارف مين يبقى قريبه من الصعيد . مفيش حاجه اسمها كده يا اخوانا الكويس هو اللي يمسك ويشتغل” .
وأتم :”انا اول الموسم قولت مانشستر يونايتد هينافس على البقاء ولكن دلوقت بيخرج برشلونه من الدوري الاوروبي ودي حاجه مدويه ، ولكن المنظومه هناك اتغيرت وحاجه كويسه” .
