واصل الإعلامي أحمد شوبير تهكمه على رئيس الزمالك المستشار مرتضى منصور وذلك بعد فوز الزمالك على سموحه في الدوري المصري الممتاز.
وفاز الفريق الاول لكرة القدم بنادي الزمالك على سموحة بنتيجة ثلاثة اهداف مقابل هدف، في المباراة التي جمعت بينهما اليوم، على ستاد “برج العرب”، ضمن منافسات الجولة الثامنة عشرة للدوري الممتاز.
ونجح الزمالك في العوده لنغمه الإنتصارات بعدما تلقى الهزيمه أمام نادي شباب بلوزداد الجزائري بدوري أبطال أفريقيا بهدف نظيف سجله ليونيل وامبا.
إقرأ أيضاً| موضوع كهربا انتهى” …سيف زاهر يفجر مفاجأت من العيار الثقيل بشأن أزمه الهارب مع الزمالك !!-فيديو
وقال شوبير في تصريحات تلفزيونية عبر برنامج ملعب أون تايم:”هل الزمالك عدى المرحله الصعبه ؟ لا طبعاً ولكن خطوه هامه جداً الفوز على سموحه في اسكندريه ٣-١” .
وواصل :”اللي بيتكلم على السحر السحر هو كوره القدم والبعض بيخلط بين الروح والأرواح ، الروح اني اخاف على زميلي والعب عشان فرقتي و جمهوري”.
وتابع :”مش شغل تحضير ارواح و الشبكه مقفوله والسحر والكلام ده ، ميينفعش اعمل خلطبيطه عشان الفرقه تكسب ، لازم يبقى في تخطيط وكله عارف دوره عشان تنجح” .
وشدد :”اوعى كل مره تجيب شماعه وتقول اصل ربطوا الشبكه ، مفيش حاجه اسمها كده في الكوره ، لو الامر كده كان كل فريق راح لساحر وقاله انا عاوز كاس العالم ولا كاس افريقيا، ونرمي بقا المدربين والعلم ونركز في الكلام الفارغ ده” .
وأضاف :”الإصابات بتبقى بسبب رجوله زايده او احتكاك او سوء ارضيه ملعب ، لكن تقولي ان الاصابات بسبب سحر وكلام فارغ” .
وأكمل :”في لعيبه مش مؤمنه بالله ولا اي حاجه وبتكسب عادي ، اوعى تصدق حد يقولك الدوري خلص ، تكسب ماتشين او تلاته ورا بعض تلاقي الدنيا فتحت معاك وبتنافس” .
وأتم :”اللي قال شيكابالا خلص شيكابالا بيسجل ، اللي قال زيزو وحش اهو جاب جولين وكان هيجيب التالت ، المنافس قبل المناصر عاوز الزمالك يرجع” .
