![طارق يحيى يكشف أسباب تراجع الزمالك الفتره الماضيه ويؤكد:" السر في الـDNA!!" 1 طارق يحيى يكشف أسباب تراجع الزمالك الفتره الماضيه ويؤكد:" السر في الـDNA!!"](https://zamalek.news/wp-content/uploads/2023/02/received_1371550790325093.jpeg)
أكد الإعلامي طارق يحيى نجم نادي الزمالك ومقدم البرنامج الرئيسي عبر قناه الزمالك ان سبب تراجع الزمالك الفتره الماضيه يرجع لعدم تشبع لاعبي الفريق بشخصيه الزمالك التي تواجدت على مر الأجيال السابقه التي ارتدت قميص الزمالك.
إقرأ أيضاً| “ رصيده عند فيريرا خلص” .. سيف زاهر يكشف عن صدمه المدرب لنجم الزمالك
وقال يحيى في تصريحات تلفزيونية عبر قناه الزمالك:”الزمالك بيمر في الفتره الحاليه بحاله من انعدام الوزن وفي تدهور في النتائج وكل شويه نقول الوضع بيتحسن ولكن مفيش حاجه بتحصل” .
وواصل :”الاول ابتدينا بماتش السوبر ثم ماتشات الدوري ودلوقت خسرنا من بلوزداد ومن الترجي وبنستنى التحسن لكن مفيش نتيجه” .
وشدد :”انت بتلعب باسم نادي الزمالك بتدافع عن الشعار اللي انت لابسه ، محدش يجي يقولي ويتكلم ويزايد على حبنا للنادي ، الناس عارفه مين طارق يحيى ومين عبد الشافي صادق وعارفين احنا مين”.
وتابع :”احنا على ايامنا مكنش فيه احتراف بالشكل اللي موجود دلوقت ، فيعتبر احنا كنا هواه ، كلنا كنا من مدرسه الزمالك مكنش عندنا محترفين غير كوارشي ممكن وحب النادي مننا ومن الجمهور “.
وأضاف :”الجيل الحالي لازم يبقى نص الفريق او اكتر من ولاد النادي يمكن دلوقت مفيش غير شيكابالا ، لكن على ايامنا احنا كان في ايمن يونس والعبد لله طارق يحيى وعادل المأمور وحماده عبد اللطيف”.
وأكمل :”حتى جمال عبد الحميد لما جه من الاهلي اتزرع فيه dna الزمالك ، وكان معانا حسين السيد وحسن شحاته وفاروق جعفر”.
وأردف :”انا مش بتكلم على الجيل ده انه حاجه وحشه ، لكن انا بتكلم ان الجيل الحالي لازم يتزرع فيه “dna” الزمالك لازم متقبلش انك تخرج متعادل لازم يبقى اهم حاجه عندك المكسب “.
وأتم :”الاحتراف أثر بشكل كبير ولكن لازم انت كلاعب لا تقبل الا المكسب ، عشان لما تجيب لعيب من برا وتحطه جنب ولاد النادي يتعلم يبقى عنده شخصيه الزمالك”.